Z 2019 hoda biełarusy zmohuć biaspošlinna ŭvozić u krainu tavar na 500 jeŭra. Ciapier limit — 1500 jeŭra
U krainach JEAES vyrašyli čarhovy raz urezać limity na ŭvoz tavaraŭ z-za miažy. Tak, z 1 studzienia 2019 hoda žychary krain JEAES, jakija padarožničajuć naziemnym transpartam, jašče zmohuć pryvozić tavaraŭ na 500 jeŭra i pa vazie da 25 kiłahramaŭ. Zaraz limity składajuć 1500 jeŭra i 50 kiłahramaŭ, piša Tut.by.
Źmieny praduhledžanyja rašeńniem Rady Jeŭrazijskaj ekanamičnaj kamisii № 91 ad 1 listapada 2018 hoda. Novyja limity buduć dziejničać dla žycharoŭ usich 5 krain, jakija ŭvachodziać u JEAES, u tym liku i dla Biełarusi.
Z 29 sakavika hetaha hoda ŭ krainach JEAES ŭžo zrezali limity na ŭvoz tavaraŭ z-za miažy dla asabistaha karystańnia. Źmieny praduhledžvali, što da kanca 2018 hoda žychary krain JEAES, jakija padarožničajuć naziemnym transpartam, jašče zmohuć pryvozić tavaraŭ na 1500 jeŭra i pa vazie da 50 kiłahramaŭ.
Z 2019 hoda normy buduć pastupova iści ŭ bok panižeńnia. Tak, užo ŭ nastupnym hodzie možna budzie ŭvozić 50 kiłahramaŭ tavaru, ale na sumu nie bolš za 1000 jeŭra. U 2020-m — torby turystaŭ pavinny schudnieć da 35 kiłahramaŭ, a rečy ŭ ich patańnieć da 750 jeŭra. U 2021 hodzie pryvozić možna budzie tolki 25 kiłahramaŭ tavaraŭ nie bolej čym na 500 jeŭra.
Kali padarožnik budzie vieźci niešta zvyš limitu, jamu pryjdziecca zapłacić mytnuju pošlinu — 30% ad koštu tavaru, ale nie mienš jak 4 jeŭra za kožny lišni abo bolš darahi kiłahram. Usie hetyja normy nie buduć raspaŭsiudžvacca na nianovyja rečy, jakija ludzi ŭziali z saboj u darohu.
Novyja limity buduć dziejničać dla žycharoŭ usich 5 krain, jakija ŭvachodziać u JEAES, u tym liku i dla Biełarusi. Vierchniuju miažu normaŭ i biaspošlinnaha ŭvozu tavaraŭ dla fizičnych asob, i limity na mižnarodnyja pasyłki ciapier ŭstanaŭlivaje JEEK. Ale krainy, jakija ŭvachodziać u JEAES, mohuć źmianšać ich na nacyjanalnym uzroŭni.