U Rasii zatrymali biełarusa, jaki pazyčyŭ u znajomych 100 tysiač rubloŭ i prajhraŭ ich u pokier
Minčuk, jaki znachodziŭsia ŭ miždziaržaŭnym vyšuku za machlarstva ŭ asabliva bujnym pamiery, zatrymany ŭ Sankt-Pieciarburhu, paviedamlaje BiełTA.
30-hadovy minčuk sa studzienia 2014 hoda pa vierasień 2017-ha pazyčaŭ u svaich znajomych i kalehaŭ hrošy na roznych padstavach: na arendu kvatery, apłatu kamunalnych pasłuh, kuplu praduktaŭ charčavańnia i h.d. Taksama jašče na imiony niekalkich minčukoŭ mužčyna prasiŭ aformić mabilnyja telefony ŭ rasterminoŭku, za jakija abiacaŭ samastojna raspłacicca. U vyniku znajomyja ničoha nazad nie atrymali: ni telefonaŭ, ni hrošaj, ni viartańnia daŭhoŭ.
Akazałasia, što hrošy mužčyna prajhravaŭ u pokier. Paciarpieli 10 biełarusaŭ, ahulnaja suma straty skłała bolš za 100 tysiač rubloŭ. Złamyśnik čakaje ekstradycyi z Rasii.
Mužčynu moža pahražać pakarańnie ŭ vyhladzie pazbaŭleńnia voli na termin da 10 hadoŭ.
