Šunievič anansavaŭ kadravyja źmieny ŭ minskim «Dynama»
Kiraŭnik Naziralnaj rady kłuba Ihar Šunievič sustreŭsia z kamandaj i administracyjaj CHK «Dynama-Minsk», paviedamlaje pres-słužba kłuba.
hcdinamo.by
«Peŭnaja stratehija raźvićcia kłuba nami sfarmulavanaja i budzie ŭvasablacca ŭ žyćcio ŭ najbližejšy čas, u tym liku, u vyhladzie niekatorych kadravych rašeńniaŭ, novym hienieralnym dyrektaram Dźmitryjem Baskavym, — adznačyŭ Ihar Šunievič. — Usio, pra što ja kazaŭ na niadaŭniaj sustrečy z vami, nieŭzabavie znojdzie adlustravańnie ŭ kankretnych dziejańniach. Nie chavaju, heta budzie acenka pracy kožnaha — ad hałoŭnaha treniera da hulcoŭ kamandy. Siońniašniaje stanovišča spraŭ takoje, što my majem prava patrabavać inšaha vyniku. Chaču pažadać pośpiechaŭ u zaŭtrašnim matčy z «Barysam». Ad vyniku hetaj hulni i vyjaznoha pajadynku ŭ Sočy šmat u čym buduć zaležać našy bližejšyja dziejańni».
Nahadajem, što «Dynama» paśla 11 parazaŭ zapar učora vyjhrała ŭ kitajskaha «Kunłunia». Tym nie mienš u kłuba 18 parazaŭ u 23 matčach i apošniaje miesca ŭ Zachodniaj kanfierencyi.
