Karamielnaja asałoda: recept francuzskaha desiertu kanele
Daŭno nie było ŭ nas sałodkaha na stale. I hetym razam padzialusia z vami niezvyčajnym receptam, zroblenym sa zvyčajnych praduktaŭ, — kanele (nie błytać z kanoli i kaniełoni). Heta firmovy diesiert francuzskaha rehijona Akvitanija, a słova maje pachodžańnie ad słova «kanielur». Aznačaje žałabki na stvale kałony. Kali pabačycie hety desiert, pachodžańnie nazvy stanie bolš vidavočnym.
Samaje składanaje ŭ pryhatavańni kanele — znajści admysłovuju formu, u jakoj zapiekčy ciesta tak, kab jano adpaviadała usim pakazčykam: kab unutry ciesta zastałosia miakkim, a zvonku była tonkaja karamielnaja skarynka. Ale nie adčajvajciesia, kali ŭ vas niama toj samaj aŭtentyčnaj formy, pasprabujcie vykarystać lubuju inšuju dla drobnych pirožnych, lepš za ŭsio silikonavuju.
Prykład formačak.
Nam spatrebicca:
- 350 hr. małaka;
- 80 hr. muki;
- 155 hr. cukru;
- 40 hr. žaŭtkoŭ (prykładna 3 žaŭtki, usio zaležyć ad pamiera jajka);
- 35 hr. masła;
- 1 pałačka vanili (ci 1/2 č.ł. vanilnaha ekstraktu);
- drobka soli;
- 35 hr. ciomnaha romu.
Dobra źmiešvajem muku, cukar i žaŭtki, dadajom sol. Tym časam nahravajem małako z masłam i vanillu, čakajem, pakul masła całkam raskryjecca. Tonkim strumieńčykam nalivajem małako ŭ sumieś ź jajkami i vielmi dobra pieramiešvajem. Dajom sastyć da pakajovaj tempieratury. Dadajom rom.
Ciesta nakryvajem plonkaj u kantakt i pakidajem na noč u chaładzilniku.
Raźlivajem ciesta pa formačkach, pakidajučy niekalki milimietraŭ, bo ciesta budzie spačatku padymacca. I nie pužajciesia, što jano atrymałasia vadkim. Stavim formu ŭ duchoŭku, nahretuju da 180 hradusaŭ, na 70—80 chvilin.
Smačna jeści!