Krynicy: Za sprobu dać chabar zatrymany Arkadź Izrailevič
Jak stała viadoma «Našaj Nivie» ad vartych davieru krynic,
u aŭtorak, 30 kastryčnika, pa padazreńni ŭ sprobie dačy chabaru dla, papiarednie, urehulavańnia budaŭničych pytańniaŭ, siłaviki zatrymali biznesmiena Arkadzia Izraileviča.
Sapraŭdy, Izrailevič apošni raz byŭ anłajn u miesiendžarach a 9-j ranicy aŭtorka, jahony mabilny i chatni numary maŭčać.
My źviazalisia z advakatam Izraileviča, Alenaj Kałazajevaj. Taja nie stała abviarhać infarmacyju pra zatrymańnie, skazaŭšy tolki, što «pakul nie hatova pra heta havaryć».
Arkadź Izrailevič z advakatkaj Alenaj Kałazajevaj padčas razhladu jaho isku suprać «Novaha času». Fota «Viasny».
«Ježiednievnik» staviŭ Izraileviča na 98-je miesca ŭ rejtynhu samych paśpiachovych i ŭpłyvovych biznesmienaŭ krainy. Vydańnie pieraličvała śpis jaho aktyvaŭ. Izrailevič zajmaŭsia inviestycyjami ŭ nieruchomaść (Viktoryja Płaza, Park Płaza, žyłyja damy, Park Avieniu na bierazie Śvisłačy, prajekt biznes-centra na Zasłaŭskaj). Aproč taho, jon mieŭ intaresy ŭ handli naftapraduktami, a taksama byŭ datyčny da asfaltabietonnaha zavoda ŭ Minsku.
Pry hetym Arkadź Izrailevič pavodziŭ siabie nietypova dla biełaruskaha biznesmiena: u toj čas, jak usie astatnija bahatyja ludzi namahajucca źjaŭlacca ŭ ŚMI tolki pry pazityŭnych nahodach, skandalnyja ŭčynki Izraileviča hramadstva abmiarkoŭvała ledź nie štomiesiac.
Tak, viadomaść jamu nadała ŭskosnaja datyčnaść da restarana «Pajedziem-Pajadzim» u Kurapatach.
Izrailevič navat padavaŭ u sud na vydańnie «Novy čas», adnak prajhraŭ praces.
Potym jon na videa biŭsia z aktyvistami «Kurapackaj vachty», publična radavaŭsia ich zatrymańniam.
Čytajcie: Izrailevič patuzaŭsia la restarana ŭ Kurapatach z pratestoŭcami: «Tam ludzi stajać za hrošy»
Čytajcie: Jak biznesmien Izrailevič adreahavaŭ na zatrymańnie Sieviarynca FOTAFAKT
Datyčna represavanych ludziej u samich Kurapatach Izrailevič skazaŭ tak: «Mahčyma, tam lažać tyja, kaho i treba było rasstralać».
Čytajcie: Mahčyma, u Kurapatach lažać tyja, kaho i treba było rasstralać
Ale asablivy šał u ludziej, navat nijak nie anhažavanych u kurapackaje zmahańnie, Izrailevič vyklikaŭ svaim učynkam u dačynieńni da viadučaha Juryja Tabolina — historyi nie minuła jašče i tydnia.
Sutnaść kanfliktu, jaki adbyŭsia 27 kastryčnika ŭ Minsku, była ŭ tym, što darahaja mašyna Izraileviča była pryparkavanaja na miescy dla invalidaŭ. U vyniku Tabolin, jaki mieŭ prava stajać na hetym miescy, padpior «Bentli» Izraileviča.
Sa słovaŭ Tabolina, praz paŭhadziny jamu pazvanili sa słovami «prybiary mašynu, a to nie budzie čaho prybirać», a potym jašče i abłajali ŭ duchu «nie darma ciabie pryroda abdzialiła».
Kab załahodzić kanflikt, Izrailevič prapanoŭvaŭ Tabolinu pryjechać da jaho na ofis i ŭziać hrošy, ale toj admoviŭ.
Čytajcie: Viadučy Juryj Tabolin pra kanflikt na parkoŭcy: Izrailevič prapanoŭvaŭ mnie hrošy — ja admoviŭsia
Na momant publikacyi źviazacca ź siłavymi orhanami mahčymaści niama, infarmacyja budzie abnoŭlena.
