Kiraŭnik BRSM Dźmitryj Varaniuk: Niekarektna supraćpastaŭlać stahodździe ŭtvareńnia VŁKSM i kurapackija rasstreły
Kiraŭnik BRSM Dźmitryj Varaniuk siońnia ŭ supołcy arhanizacyi Ukantakcie ŭstupiŭ u dyskusiju nakont śviatkavańnia 100-hodździa ŭtvareńnia VŁKSM i kurapackich rasstrełaŭ u noč z 29 na 30 kastryčnika 1937 hoda. «Naša Niva» ŭziała kamientar u spadara Varaniuka, kab jon zmoh prajaśnić svaju pazicyju na hetuju temu. Voś što kiraŭnik BRSM nam adkazaŭ:
Čytajcie taksama: Kiraŭnik BRSM paraŭnaŭ fakty pra represii NKVD suprać biełaruskaj intelihiencyi z prahramami Ren-TV
Dźmitryj Varaniuk.
— Tema masavych rasstrełaŭ — sumnaja i žurbotnaja. I moładź, viadoma, musić viedać i takija ciomnyja staronki svajoj historyi. Ale časam, pry niedachopie infarmacyi, histaryčnyja fakty abrastajuć mifami i stanoviacca śpiekulatyŭnymi, što moža vylivacca ŭ padobnyja supraćpastaŭleńni — mienavita tamu ja zhadaŭ stylistyku prahram adnaho z kanałaŭ. I ja, jak i mnohija, liču, što hetuju sumnuju datu treba pamiatać, a zahinułyja tam ludzi pavinny być ušanavanyja: adpaviednaje daručeńnie ab pomniku ŭ Kurapatach niadaŭna daŭ kiraŭnik krainy. Ale taksama ja liču niekarektnym supraćpastaŭlać stahodździe ŭtvareńnia VŁKSM i kurapackija rasstreły.
