5 pryčyn naviedać «Ahniavyja kalaśnicy» pa-biełarusku

Na hetych vychodnych, 26-28 kastryčnika, u miežach prajekta «Biełaruskija ŭikendy» projduć pakazy znakamitaha brytanskaha filma «Vohniennyja kalaśnicy».

Film dublavany na biełaruskuju movu kampanijaj Kinakonh pry padtrymcy velcom. Pakazy projduć u kinateatry «Maskva».

Nižej — 5 pryčyn, čamu hety film nielha prapuścić:

1. Uznaharody. «Vohniennyja kalaśnicy»— adzin z samych tytułavanych brytanskich filmaŭ za ŭsiu historyju. U 1981 hodzie jon atrymaŭ čatyry «Oskary», u tym liku ŭ katehoryi «Za najlepšy film». Brytanski kiniematohraf zdoleŭ paŭtaryć hety pośpiech tolki praz tryccać hod ź filmam «Karol pramaŭlaje». Akramia «Oskara» stužka atrymała šerah inšych uznaharod, u tym liku Kanskaha fiestyvala, BAFTA i «Załaty hłobus».
2. Suśvietnaja słava. Film atrymaŭ kultavy status u Vialikabrytanii i šyroka viadomy va ŭsim śviecie. Ale ŭ našaj krainie pra stužku amal nichto nie čuŭ. Tamu kali vy nie hladzieli film, to ciapier jość mahčymaść vypravić hety kulturny prabieł.
3. Muzyka. Usie składniki filma stvorany cudoŭna, ale nievierahodnaja muzyka Vanhielisa vartaja asobnaj uzhadki. Hetuju znakamituju miełodyju vy napeŭna nieadnarazova čuli, navat kali ŭpieršyniu daviedalisia pra isnavańnie filma z hetaha artykuła.
4. Sapraŭdnaść historyi. Hety film raspaviadaje pra realnyja padziei, jakija adbylisia 100 hod tamu. Harald Abrachams, adzin z hierojaŭ filma, maje biełaruskija karani. A druhi hieroj, Eryk Lideł, napeŭna, samy viadomy spartsmien za historyju Alimpijskich hulniaŭ. Jon ušanoŭvaŭsia prynamsi na 4 Alimpijadach na praciahu amal 100 hod. Pra jaho napisany knihi, źniaty dakumientalnyja i mastackija filmy, navat multfilmy! Apošni film, «Na kryłach arła», byŭ źniaty ŭ 2016 hodzie i raspaviadaje pra kaniec žyćcia Lideła. Ale samym znakamitym tvoram stali «Vohnienyja kalaśnicy».
5. Biełaruskaja mova. «Biełaruskija ŭikendy» — adziny prajekt, jaki pakazvaje kino pa-biełarusku na šyrokim ekranie. Prajektu ŭžo 2 hady, i kolkaść hledačoŭ za hety čas nabliziłasia da 50 tysiač. «Vohniennyja kalaśnicy» ahučvali najlepšyja biełaruskija artysty. Biełaruskaja mova ŭ interjerach Brytanii pačatka 20 stahodździa dakładna vartaja vašaj ŭvahi!

Stužka raspaviadaje pra znakamitych anhielskich biehunoŭ: Haralda Abrachamsa, navučenca Kiembrydža, habreja ź biełaruskimi karaniami i Eryka Lideła — šatłandskaha misijaniera ŭ Kitai. Kožny ź ich biažyć i pieramahaje, ale dziela čaho? Napieradzie Alimpijada ŭ Paryžy 1924 hoda, finalnaje zmahańnie i kulminacyja ich žyćcia…

Kvitki možna nabyć u kasach kinateatra i pa spasyłcy.

0

0

0

0

0

0