U sietki rybaka trapili andatry i zahinuli. Na mužčynu zaviali kryminalnuju spravu
Rybaku sa Śvietłahorskaha rajona, jaki zajmaŭsia pramysłovaj łoŭlaj, u sietku trapili andatry. Mužčyna zabraŭ zahinułych źviaroŭ dadomu i razabraŭ, paviedamlaje «Ranak».
Ilustracyjnaje fota, pxhere.
8 kastryčnika pablizu vioski Skałka va ŭhodździach zakaźnika «Vydryca» rybak praviaraŭ sietki. U ich mužčyna znajšoŭ vosiem asobin andatry, jakija zabłytalisia ŭ sietkach i zahinuli. Rybak zabraŭ źviaroŭ dadomu i razabraŭ, tym samym jon parušyŭ praviły palavańnia.
Praź niekalki dzion da mužčyny pryjšli supracoŭniki Śvietłahorskaj mižrajonnaj inśpiekcyi achovy žyviolnaha i raślinnaha śvietu. U mužčyny kanfiskavali škury i tuški andatraŭ, nož i staŭnuju sietku.
Strata skłała 5880 rubloŭ. Mužčynu pahražaje pakarańnie ŭ vyhladzie štrafu, abo aryštu, abo abmiežavańnia voli na termin da dvuch hadoŭ, abo pazbaŭleńnia voli na termin da troch hadoŭ.
