Pacyjenta ź psichozam u mahiloŭskaj balnicy zafiksavali ramianiami. Jon vyrvaŭsia, pačaŭ bujanić i razrezaŭ sabie vieny
Pacyjent razrezaŭ vieny ŭ Mahiloŭskaj haradskoj balnicy chutkaj miedycynskaj dapamohi i pamior ad straty kryvi, paviedamlaje BiełTA.
Pa słovach vidavočcaŭ, mužčyna prachodziŭ lačeńnie ŭ adździaleńni taksikałohii. Jon byŭ zafiksavany ramianiami, pakolki ŭ jaho raźviŭsia vostry psichoz. Nie ŭśviedamlajučy svaich dziejańniaŭ, pacyjent vyrvaŭsia i pačaŭ bujanić. Supracoŭniki milicyi nie zmahli jaho ŭtrymać. Jon raźbiŭ škło ŭ pałacie, zatym razrezaŭ askiepkami sabie vieny i arteryi. Miedyki vyratavać jaho nie zmahli — chvory pamior ad vialikaj straty kryvi. Fakt hibieli mužčyny paćvierdzili i ŭ haradskoj balnicy CHMD. Na miescy zdareńnia pracuje śpiecyjalnaja kamisija i śledčyja, jakija vyśviatlajuć usie akaličnaści i pryčyny, jakija pryviali da trahiedyi.