U noč na niadzielu krainy ES piarojduć na zimovy čas. Mahčyma, apošni raz
U noč na niadzielu, 28 kastryčnika, krainy ES i Ukraina piarojduć na zimovy čas. Heta aznačaje, što strełki pieraviaduć na hadzinu nazad.
Ad 28 kastryčnika roźnica ŭ časie pamiž Minskam i Vilniaj, abo Minskam i Kijevam składzie adnu hadzinu, z Varšavaj, Bierlinam, Paryžam — dźvie hadziny. Ad 2012 hoda Biełaruś strełak nie pieravodzić. Ale ź pieravodam strełak źmianiajecca hrafik ciahnikoŭ, aŭtobusaŭ i samalotaŭ u Jeŭropu. Nu i matčy Lihi čempijonaŭ buduć ciapier pačynacca na hadzinu paźniej.
Razam z tym u žniŭni Jeŭrakamisija apublikavała papiarednija dadzienyja anłajn-hałasavańnia pa pytańni rehularnaha pierachodu na zimovy i letni čas, zhodna ź jakimi paradku 84% jeŭrapiejcaŭ vykazalisia za admienu pieravodu hadzińnikaŭ.
Taksama było zajaŭlena, što kožnaja kraina ES pavinna vyrašyć, ci budzie jana zastavacca ŭ zimovym časie, ci vierniecca na letni.