Saudaŭcy stvaryli dvajnika zabitaha žurnalista Chašohi
Tureckija śpiecsłužby vyśvietlili, što ŭ dzień źniknieńnia Chašohi z konsulstva Saudaŭskaj Aravii vyjšaŭ mužčyna, jaki byŭ adnolkava apranuty. Jon hulaŭ pa horadzie i trapiŭ na kamiery źniešniaha nazirańnia ŭ samym centry Stambuła, paviedamlaje CNN.
Mužčyna, jakoha ŭ Ankary apaznali jak supracoŭnika śpiecsłužb Saudaŭskaj Aravii Mustafu al-Madani, byŭ u tym ža harnitury, što i Chašohi, nasiŭ falšyvuju baradu i akulary. Adnolkavy ŭzrost i rost, jak miarkujuć tureckija słužby, pavinny byli prymusić naziralnikaŭ pavieryć, što žurnalist sapraŭdy pakinuŭ konsulstva cełym. Pry hetym na zdymkach bačna, što kali ŭ Chašohi była prykmietnaja załysina, to ŭ jaho «dvajnika» jaje niama.
U Er-Ryjadzie śćviardžajuć, što zabojstva było vypadkovym. Navošta było stvarać dvajnika žurnalista, krynica CNN u Saudaŭskaj Aravii kamientavać nie stała.
