Pucin: Sievastopal nikoli de-jure nie byŭ častkaj Ukrainy
Uładzimir Pucin zajaviŭ, što Sievastopal de-jure zaŭsiody byŭ u składzie Rasii, tamu što pry pieradačy Kryma Ukrainie ŭ 1954 hodzie pra horad «prosta zabylisia». Pra heta jon raspavioŭ na sustrečy z meram Maskvy Siarhiejem Sabianinym, paviedamlaje TASS.
Fota: kremlin.ru.
«Jon [Sievastopal] byŭ horadam centralnaha padparadkavańnia, i navat pry pieradačy — niezakonnaj pieradačy — Kryma sa składu RSFSR u skład Ukrainskaj SSR, — skazaŭ Pucin. — Niezakonnaj, tamu što rašeńnie było pryniata prezidyumam Viarchoŭnaha Savieta RSFSR, Ukrainy, a zatym zaćvierdžana prezidyumam Viarchoŭnaha Savieta SSSR. A pa zakonie treba było zaćviardžać Viarchoŭnymi Savietami respublik i Viarchoŭnym Savietam SSSR».
«Ale navat pry hetym niezakonnym, pa sutnaści, pracesie, pra Sievastopal prosta zabylisia, i jon nie pieradavaŭsia sa składu RSFSR u skład Ukrainy, — dadaŭ Pucin. — Tak što farmalna i jurydyčna jon zaŭsiody byŭ u składzie Rasii».
Krym razam z horadam Sievastopalem byŭ anieksavany Rasijaj viasnoj 2014 hoda.