Staršynia Fiederacyi chakieja vybačyŭsia pierad zaŭziatarami
Hienadź Saviłaŭ, fota Dźmitryja Bruško
Staršynia Fiederacyi chakieja Biełarusi Hienadź Saviłaŭ na pres-kanfierencyi raspavioŭ pra svaje pieršyja 100 dzion la styrna arhanizacyi. A pačaŭ jon svaju pramovu z vybačeńniaŭ pierad biełaruskimi zaŭziatarami za šmatlikija niaŭdačy ajčynnaha chakieja na roznych frantach
— Chaču paprasić prabačeńnia va ŭsich biełaruskich zaŭziataraŭ za vystupy minskaha «Dynama» i zbornaj Biełarusi na apošnim čempijanacie śvietu. Vybačajusia ad imia i kiraŭnictva fiederacyi, i administrataraŭ, i trenieraŭ, i dziciačych trenieraŭ. Niechta, moža, dałučycca da majho śpiča, niechta — nie. Ale hałoŭnaje - my ŭsie razam vinavatyja ŭ tym, što tak chvaluje biełaruskaha zaŭziatara, chakiejnych prychilnikaŭ. Paviercie, što ŭsie razam my sprabujem niejak vypravić situacyju. Nikoha nie cikavić, chto vinavaty, usio chočuć bačyć niejkija źmieny, chočuć bačyć spynieńnie hetaha niekantralavanaha padzieńnia. My sapraŭdy nieabyjakavyja da taho, što adbyvajecca na chakiejnych placoŭkach krainy, — skazaŭ Hienadź Saviłaŭ.
