Milicyja pracavała ŭ ofisie TUT.BY: chtości prysłaŭ listy z pahrozami vybuchu
Fota Ksienii Jeljaševič
Ranicaj 19 kastryčnika milicyja, śledčyja i ekśpierty pracujuć u ofisie kampanii TAA «100 RABOT TUT» u Minsku. Nieviadomy dasłaŭ niekalki listoŭ z pahrozami vybuchu ŭ budynku.
Pavodle papiarednich źviestak, na poštu kampanii pryjšli jak minimum dva dziŭnyja listy z roźnicaj prykładna ŭ 20 chvilin.
Nieviadomy prasiŭ spynić adpraŭku niejkich paviedamleńniaŭ, inakš «uzarviem ciabie i tvoj ofis» i budzie «vybuch budynka na Dziaržynskaha». Supracoŭniki źviarnulisia ŭ milicyju.
Prykładna z 9.30 u ofisie pracujuć pravaachoŭniki, a taksama supracoŭniki Śledčaha kamiteta i kryminalisty Dziaržkamiteta sudovych ekśpiertyz. Pravodzicca pravierka pa fakcie pahroz, vyśviatlajuć asobu i matyvy aŭtara listoŭ.
Evakuacyja nie patrabavałasia, pamiaškańnie pravieryŭ kinołah z słužbovym sabakam.
Užo praź niekalki hadzin asoba złamyśnika stała viadomaja milicyi. Jamu 30 hadoŭ. Dva hady tamu mužčyna ŭžo byŭ asudžany za zaviedama iłžyvaje paviedamleńnie ab niebiaśpiecy. Ciapier ža jaho čakaje novaje pakarańnie — ad štrafu da piaci hadoŭ pazbaŭleńnia voli.