Vialikabrytanija admaŭlajecca vydavać vizy rasijskim dypłamatam, jakich padazraje ŭ pracy na śpiecsłužby

Vialikabrytanija admaŭlajecca vydavać vizy rasijskim dypłamatam, paskardziŭsia pasoł Rasii ŭ Łondanie Alaksandr Jakavienka, paviedamlaje «Echo Moskvy».

Z-za hetaha dypmisija maje prablemy ź piersanałam. Praca pasolstva znachodzicca ŭ ciažkim stanoviščy, ciapier tut zastałosia ź dziasiatak čałaviek, dadaŭ Jakavienka. Łondan vysłaŭ 23 rasijskich dypłamataŭ paśla zamachu ŭ Sołśbiery na byłoha aficera HRU Siarhieja Skrypala i jaho dačku. Brytanskija ŭłady abvinavačvajuć u hetym rasijskuju vajennuju raźviedku, Maskva abvinavačvańni abviarhaje.

0

0

0

0

0

0