Biełaruś utrymała pieramohu nad Luksiemburham — 1:0 VIDEA
Fota Dźmitryja Bruško
U 3-m tury Lihi nacyj zbornaja Biełarusi vyjhrała ŭ Luksiemburha ź likam 1:0. Hulnia prajšła na stadyjonie «Dynama».
U kancy pieršaha tajma adziny miač u matčy zabiŭ Anton Saroka, a ceły druhi tajm biełarusy adbivalisia.
Hrupa D2: Biełaruś — 7, Luksiemburh — 6, Małdova — 4, San-Maryna — 0.
U paniadziełak, 15 kastryčnika, biełarusy doma hulajuć z Małdovaj.
U listapadzie dźvie hulni Biełaruś praviadzie ŭ haściach: suprać Luksiemburha i suprać San-Maryna
***
Liha nacyj — novy turnir. Usie jeŭrapiejskija zbornyja padzielenyja na dyvizijony: A, V, S, D. A — najmacniejšy, tut hulajuć Francyja, Hiermanija, Ispanija, Italija, Bielhija, Charvatyja dy inš.
Biełaruś trapiła ŭ najsłabiejšy dyvizijon D (kamandy ad Fareraŭ i Hibrałtara da Hruzii i Makiedonii).
Pieramožca hrupy D2 vyjdzie ŭ płej-of, dzie zhulaje ź pieramožcami hrup D1, D3 i D4. Hetyja kamandy razyhrajuć adnu pucioŭku na čempijanat Jeŭropy 2020 hoda. Pieramožcy hrupaŭ D1, D2, D3, D4 taksama atrymaje pavyšeńnie ŭ kłasie: trapiać u dyvizijon S (tam hulajuć zbornyja Vienhryi, Narviehii, Čarnahoryi). Usio ž nie takoje dno, jak u D.
