Studentka vyciahnuła z zanački dziadźki 8 500 jeŭra, što toj adkładaŭ «na kvateru»
Fota Voli Aficeravaj
U ździajśnieńni kradziažu kala 8 500 jeŭra ŭ rodnaha dziadźki padazrajecca studentka adnoj z VNU Hrodna. 20-hadovaja dziaŭčyna rehularna zachodziła ŭ hości da svajakoŭ, i ŭ apošni čas z doma stali źnikać hrošy, raspaviadaje abłasnaja milicyja.
Svajaki žyli ŭ internacie. Plamieńnica rehularna naviedvała ich. Padstavaj dla zvarotu ŭ milicyju stała źniknieńnie 1 700 jeŭra. Haspadara nie było doma, a jahonaja žonka adłučyłasia na ahulnuju kuchniu. Jak paźniej vyśvietlili supracoŭniki milicyi, było niekalki kradziažoŭ ciaham troch miesiacaŭ. Dziaŭčyna biez dazvołu brała čužyja hrošy, jakija svajaki źbirali na nabyćcio žylla.
U momant zatrymańnia dziaŭčyna adpačyvała ź siabram na zaharadnaj ahrasiadzibie. Chłopiec, darečy, vyzvaliŭsia z turmy ŭviesnu.
