U Homieli chłopiec pad spajsami paŭhoda hvałtavaŭ žančyn, a potym ničoha nie pamiataŭ. Jamu dali 10 hadoŭ
6 žančyn u Homieli stali achviarami hvałtaŭnika pad spajsami. Mužčyna nadoŭha apynuŭsia za kratami — jamu dali 10 hadoŭ, paviedamlaje sb.by.
Pieršaje złačynstva zdaryłasia ŭ studzieni. Niedaloka ad prypynku pa vulicy Fiestyvalnaj nakinuŭsia na 45-hadovuju žančynu, jakaja viartałasia viečaram ad siabroŭki.
9 sakavika ŭ padjeździe chłopiec pasprabavaŭ zhvałcić 36-hadovuju žančynu. Atrymaŭšy adpor, jon vyrašyŭ adabrać sumačku, ale i hetaha jon nie zrabiŭ. Pryjšłosia biehčy z pustymi rukami.
20 sakavika mužčyna zhvałciŭ 25-hadovuju dziaŭčynu, jakaja ŭnačy viartałasia dadomu. Jašče praź niekalki dzion jon čakaŭ svaju achviaru kala haražoŭ, žančyna ŭ toj dzień viartałasia z pracy.
U krasaviku jašče adna hamialčanka, jakaja viartałasia pozna z pracy, pryciahnuła ŭvahu hvałtaŭnika. A praź miesiac achviaraj hvałtaŭnika stała 67-hadovaja piensijanierka.
Ni adna z žančyn nie bačyła złačyncu ŭ tvar: jon napadaŭ sa śpiny. Va ŭsich vypadkach analizy DNK na vopratcy achviar supadali.
Dapamahčy raskryć złačynstva dapamoh vypadak: uletku patrulnyja zatrymali mužčynu, dastavili ŭ pastarunak, źniali adbitki palcaŭ, uziali analiz DNK i adpuścili dadomu. Akazałasia, što bijałahičny ŭzor supaŭ z hienomam złačyncy.
Vyśvietliłasia, što 20-hadovy chłopiec — amatar pakuryć spajsy. Paśla taho, jak jon kuryŭ, chłopiec adpraŭlaŭsia na pošuki pryhod, a ŭžo ranicaj ničoha nie pamiataŭ.
Sud vynies prysud: hamialčuk praviadzie za kratami 10 hadoŭ.
