U Breście zatrymali 5 praciŭnikaŭ akumulatarnaha zavoda VIDEA
Pierad čarhovaj akcyjaj praciŭnikaŭ akumulatarnaha zavodu ŭ Bieraści zatrymanyja niekalki jaje ŭdzielnikaŭ. Jak raspavioŭ Svabodzie pravaabaronca Raman Kiślak, pavodle jaho źviestak milicyjanty zatrymali 5 čałaviek, piša «Radyjo Svaboda».
«Imiony zatrymanych — Dźmitry Andrasiuk, Andrej, proźvišča jakoha nia viedaju, Julija Zubik, Taćciana Fiesikava i Ŭładzimier Maroz. Pryčym, Fiesikavu i Zubik zatrymali jašče na padychodzie da płoščy», — raspavioŭ pravaabaronca.
Padčas zatrymańnia traich čałaviek paśla akcyi na płoščy ludzi sprabavali pieraharadzić saboj darohu milicejskamu aŭtamabilu, kryčali «Hańba!», adnak supracoŭniki AMAPu rasšturchali ich.
Zatrymanych pavieźli ŭ Leninski RAUS Bieraścia. Raman Kiślak miarkuje, što vierahodna tam na ich składuć pratakoły i adpuściać.
Praciŭniki budaŭnictva akumulatarnaha zavoda źbirajucca ŭ Bieraści kožnuju niadzielu. Siońnia na płošču Lenina ŭ Bieraści pryjšli kala 70 čałaviek.