Dyzajnierka Kacia Cikota prapanuje tałakoj nabyć śpiecyjalnyja džynsy dla ludziej ź invalidnaściu
U minułym hodzie dyzajnierka Kacia Cikota prezientavała pieršuju ŭ Biełarusi liniejku inkluziŭnych nahavic i kambiniezonaŭ pad ahulnaj nazvaj Tikota Inclusive.
Z taho momantu Kacia z kamandaj pracavali nad udaskanaleńniem roznych madelaŭ, kab zrabić pradukt dastupnym dla biełarusaŭ.
Alaksandra Čyčykava ŭ inkluziŭnych džynsach.
Narešcie, kožny achvotny zmoža zamović sabie inkluziŭnaje adzieńnie praź internet. Asobna Kaciaryna prapanuje 21 paru džynsaŭ adpravić u 6 abłaściej krainy biaspłatna.
Dakładniej nie tak: kožny z nas moža nabyć na kraŭdfandynh-placoŭcy «Vulej» śvitšot, futbołku ci paštoŭku z kalekcyi Cikoty, a srodki z hetaj vyručki pojduć na toje, kab pašyć 21 paru džynsaŭ tym vazočnikam, jakija bolš za ŭsio majuć u hetym patrebu.
Što važna: usie hetyja džynsy adšyvajucca na vytvorčaści, dzie pracujuć ludzi ź invalidnaściu.