Pucin prapanavaŭ źmiakčyć pakarańnie za reposty
U Dziarždumu Rasii pastupiŭ prezidencki zakonaprajekt ab uniasieńni źmianieńniaŭ u artykuł 282 Kryminalnaha kodeksa RF («Uzbudžeńnie nianaviści albo varožaści, a taksama źnievažeńnie čałaviečaj hodnaści»), pa jakoj, siarod inšaha, vynosiać prysudy za repost.
Papraŭki praduhledžvajuć, što kryminalnaja adkaznaść pa častcy 1 artykuła 282 KK budzie nastupać tolki ŭ tym vypadku, kali havorka idzie ab paŭtornym parušeńni, učynienym na praciahu hoda.
Pieršy raz vinavatych va ŭzbudžeńni nianaviści albo varožaści abo prynižeńni čałaviečaj hodnaści buduć pryciahvać da administracyjnaj adkaznaści. Adpaviednym artykułam prapanujecca dapoŭnić Kodeks ab administracyjnych pravaparušeńniach.
Sankcyi pavodle novaha artykuła KaAP dla hramadzian - štraf da 20 tysiač rubloŭ abo abaviazkovyja pracy da 100 hadzin abo administracyjny aryšt da 15 sutak.
Druhaja častka artykuła 282 pakinuta bieź źmienaŭ.
U Rasii ŭ apošnija hady ŭsio čaściej zavodziać administracyjnyja i kryminalnyja spravy z-za łajkaŭ, repostaŭ, kamientaroŭ abo inšych publikacyj u sacsietkach. Za pieršaje paŭhodździe 2018 hoda, pa dadzienych MUS, raspačata 762 spravy ab ekstremiźmie, za ŭvieś 2017 hod - 1521
