BT zapuskaje svajo viačerniaje šou «pad Urhanta»
29 vieraśnia ŭ 20.00 ŭ efiry telekanała Biełaruś-1 pakažuć pieršy vypusk novaha viačerniaha šou pad nazvaj «Makajonka, 9» (u honar adrasa Biełteleradyjokampanii). Rychtavalisia da jaho premjery hod, vieści šou budzie Jaŭhien Pierlin.
Jaŭhien Pierlin na studyi.
U instahramie Biełteleradyjokampanii paviedamlajuć, što heta budzie pieršaja biełaruskaja prahrama, jakaja budzie sumiaščać u sabie infarmacyjnyja žanry i kłasičnaje viečarovaje šou.
U jakaści fiški abiacajuć źjaŭleńnie viadučaha na zdymačnaj placoŭcy na pryvatnym viertalocie i niezvyčajnych haściej: «zorak pieršaj vieličyni».
Šou pryjdziecca kankuryravać z raskručanym ciapier u Biełarusi rasijskim anałaham «Viačerni Urhant». Ale ci zmoža Pierlin, jak i Urhant, žartavać nie tolki nad śpievakami i błohierami, ale i nad palitykami až da centralnaha kiraŭnictva, u tym liku zaprašać ich u studyju, zastajecca pytańniem. Vyśvietlim pra stupień cenzury ŭžo ŭ hetuju subotu.
Raspytać padrabiaznaści ź pieršych vusnach sapradziusiera i viadučaha Jaŭhiena Pierlina, na žal, nie atrymałasia: jon admoviŭsia ad kamientaroŭ.
