Svajaki asudžanych homielskich mytnikaŭ paskardzilisia Pucinu
Na praciahu ŭsiaho pracesu pa spravie homielskich mytnikaŭ i paśla abvinavaŭčaha prysudu svajaki abvinavačanych nie adnojčy nakiroŭvali kalektyŭnyja zvaroty ŭ adras Alaksandra Łukašenki. Svoj čarhovy zvarot jany nakiravali ŭžo ŭ Maskvu — Uładzimiru Pucinu.
22 maja sud Centralnaha rajona Homiela pryznaŭ byłych mytnikaŭ vinavatymi ŭ atrymańni chabaraŭ i prysudziŭ da pazbaŭleńnia voli na terminy ad 3 da 13,5 hoda.
Padziei adbyvalisia ŭ 2010-2016 hadach na ŭčastku rasijskaha-biełaruskaj miažy kala nasielenaha punkta Sieliščy.
Svajaki asudžanych mytnikaŭ źviartajuć uvahu, što z 1995 hoda ŭkazami prezidentaŭ Rasii i Biełarusi mytny kantrol na miažy admianili. Z 2007 hoda mytnaja terytoryja Rasii i Biełarusi stała adzinaj. Na miažy niama mytnaha, fitasanitarnaha, vieterynarnaha i inšych vidaŭ kantrolu.
