Italija spraščaje departacyju mihrantaŭ
Matteo Salvini, Wikimedia Commons
Ułady Italii ŭchvalili zakonaprajekt, jaki dazvalaje paskoryć praces departacyi mihrantaŭ i pazbaŭleńnia italjanskaha hramadzianstva asob, jakija abvinavačvajucca ŭ teraryźmie.
Dekret, jaki atrymaŭ nazvu dekret Salvini, dazvalaje departavać mihrantaŭ, jakija ŭčynili ciažkija złačynstvy, naprykład, razboj i zhvałtavańnie.
U minułym vysyłcy ŭ takich vypadkach papiaredničaŭ praciahły jurydyčny praces sa mnostvam apielacyj.
Zakonaprajekt taksama praduhledžvaje aŭtamatyčnuju admovu ad razhladu zajaŭ ab pradastaŭleńni prytułku ad asob, jakija abvinavačvajucca ŭ narkahandli, zajaviŭ ministr unutranych spraŭ Italii Salvini.
Matea Salvini nazvaŭ hetuju mieru krokam pa ŭmacavańni biaśpieki ŭ krainie. Zakonaprajekt jašče patrabuje ŭchvały parłamienta.
Salvini — adna z klučavych fihur u palitycy ŭzmacnieńnia žorstkaści imihracyjnaha režymu.
Jana była pačata z prychodam da ŭłady ŭ červieni kaalicyjnaha ŭrada ŭ składzie pravaradykalnaj partyi Liha i papulisckaha ruchu Piać zorak.
Salvini nie raz naŭprost telefanavaŭ apierataram vyratavalnych sudnaŭ, a ŭ žniŭni asabista zabaraniŭ vysadku ŭ Sicylii 150 mihrantam z karabla bierahavoj achovy.
