Słučak i Nahornaja vydajuć kišenny dapamožnik «Abaronim movu» — sabrali ŭžo pałovu hrošaj
U dapamožniku «Abaronim movu!» buduć źmieščanyja parady i instrukcyi, vytrymki z zakanadaŭstva i prykłady zvarotaŭ jak pašyrać biełaruskuju movu ŭ Biełarusi.
Na siońnia na płatformu talaka.org sabranaja amal pałova patrebnaj sumy.
U apisańni prajekta, jakim zajmajucca viadomy «moŭny inśpiektar» Ihar Słučak i aktyvistka Alina Nahornaja, skazana:
«Vam nie chapaje biełaruskaj movy ŭ kramie? U adukacyi? Na vulicy? U kamunikacyi z čynoŭnikami? Što rabić, kali ŭ kramie kažuć: «Razhovarivajcie sa mnoj na čiełaviečieskom jazykie», abo niechta piša ŭ sacsietkach, što biełaruskaja mova «heta hniły trup, jaki treba zakapać hłybiej»?
Vidavočna, što moŭnyja pravy biełaruskamoŭnych biełarusaŭ parušajucca.
Ihar Słučak i Alina Nahornaja.
U dapamožniku «Abaronim movu!» vy znojdziecie parady i instrukcyi, jak nam pašyrać biełaruskuju movu ŭ Biełarusi. A taksama vytrymki z zakanadaŭstva, na jakija možna spasyłacca pry abaronie moŭnych pravoŭ i prykłady zajavaŭ.
2000 rubloŭ, jakija źbirajuć Słučak i Nahornaja pojduć na:
— vydańnie dapamožnika «Abaronim movu!»
— praviadzieńnie prezientacyi «Dzień Narodzinaŭ» «moŭnaha inśpiektara»
Prezientacyja «Abaronim movu!» projdzie 9 kastryčnika a 19-j hadzinie u Minsku.
