Repartaž z zavoda, jaki robić lehiendarnuju minierałku «Minskaja-4» FOTY
Siońnia Minski zavod biezałkaholnych napojaŭ vypuskaje amal try miljony butelek minieralnaj vady «Minskaja-4» štomiesiac.
«My adzinyja, chto zachavaŭ dvuchlitrovy abjom butelki minierałki, — raskazvaje śpiecyjalistka pa markietynhu Kaciaryna Karaim. — Takaja ŭžo tradycyja skłałasia ad 1978 hoda: našaj vady pavinna chapać na ŭsiu siamju. Užo treciaje pakaleńnie biełarusaŭ viedaje, što «Minskaja-4» — heta jakaść i niaźmienny smak».
Skład vady za 40 hod anijak nie źmianiŭsia. Rabotniki zavoda raspaviadajuć, što jana zdabyvajecca z hłybini 390 mietraŭ i amal nie apracoŭvajecca. Tamu i zachoŭvajecca naturalny skład, minieralizavanaść.
Kožny dzień u łabaratoryi abaviazkova praviarajecca jakaść vady, jakaja trapiaje ŭ kramy.
«Kali my havorym pra zdabyču «Minskaj», my zhadvajem Ejfielevu viežu, jakaja maje vyšyniu 324 mietry. Ujaŭlajecie, jakaja hłybokaja naša krynica?», — źviartajecca Kaciaryna.
Nie tak daŭno na zavod pryjazdžali śpiecyjalisty z Amana. Jany pakaštavali vadu i adznačyli, što ŭ jaje vielmi charakterny smak, nie padobny da smaku inšych minieralnych vod. Mahčyma tamu, što «Minskuju» zdabyvajuć prosta na terytoryi zavoda. I ŭvieś praces, ad zdabyčy da raźlivu pa butelkach, zajmaje mienš za hadzinu.
Na pradpryjemstvie siońnia ŭsio maksimalna aŭtamatyzavana. Vada raźlivajecca ŭ butelki, tut ža na ich klejacca etykietki, paśla čaho butelki pakujucca. Ale kali raptam štości pojdzie nie tak, kanviejer spyniecca adrazu.
«Sa śvidraviny vada idzie na ŭčastak vodapadrychtoŭki. Tam jana filtrujecca i amal adrazu traplaje ŭ cech, dzie pa našych sučasnych aŭtamatyzavanych linijach užo biahuć butelki i korki. Pad ciskam vada pastupaje ŭ butelki, hazujecca i adrazu ž zakryvajecca. Paśla na jaje naklejvajucca etykietki i jana apynajecca ŭ adździele ŭpakoŭki, dzie butelki abmotvajucca cełafanam. Na hetym, ułasna kažučy, usio. Dalej vada idzie da pakupnika», — raspaviadaje majstar cecha Siarhiej Haroška.
Na stužcy — formy dla budučych firmovych butelek «Minskaj-4».
Kali raptam etykietki pojduć nie tym bokam, stužka spyniecca sama. Takich vypadkaŭ, kali etykietki vychodzili dahary nahami, na zavodzie nie było.
U cechu pracujuć niekalki linij. Kožnaja ź ich raźlivaje minieralnuju vadu ŭ butelki roznaha pamieru.
Chutka z kanviejera źjedzie hatovaja ŭpakoŭka vady, jakuju adrazu pahruziać u mašynu i adviazuć da pakupnikoŭ.
Jak pa «Minskuju-4» pryjazdžali na kani
Sam zavod pačaŭ pracavać u 1966 hodzie, tady jon byŭ častkaj vialikaha pradpryjemstva «Biełpiva». Zavod biezałkaholnych napojaŭ, jaki ŭ dalokich 1960-ch byŭ usiaho tolki cecham, pačaŭ vypuskać soki, zatym napoi na asnovie čajoŭ i traŭ.
I tolki ŭ 1978 hodzie, kali zrabili 390-mietrovuju śvidravinu, pačałasia zdabyča minieralnaj vady, jakaja i ŭvojdzie ŭ historyju jak «Minskaja-4».
Treba zaznačyć, što «Minskuju» zdabyvajuć adrazu z troch śvidravin hłybinioj ad 360 da 390 mietraŭ.
Tak vyhladaje artezijanskaja śvidravina, ź jakoj zdabyvajecca minieralnaja vada «Minskaja-4». Znachodzicca jana ŭ sanitarnaj zonie, klučy ad jakoj jość tolki ŭ abmiežavanaha koła rabotnikaŭ.
«My nie majem prava parušać vodny bałans, jaki zachoŭvajecca na hłybini, tamu vada z hetych śvidravin zdabyvajecca pa čarzie. Pakul idzie zdabyča z adnoj, inšyja adnaŭlajuć svoj pryrodny bałans», — tłumačyć Kaciaryna Karaim.
«Minskaja» adrazu palubiłasia minčanam, hod ad hoda jaje vyrablali ŭsio bolš i bolš. Źjavilisia roznyja jomistaści dla vady, pašyryŭsia asartymient.
Aptovyja pakupniki vystrojvalisia ŭ čarhu, kab zajmieć na palicach svaich kramaŭ «Minskuju».
«U nas kaliści vielmi daŭno byŭ vypadak, kali haspadar nievialičkaj kramy pryjechaŭ pa vadu na kani. A ŭ nakładnuju treba ž numar transpartnaha srodku ŭpisać, — pryhadvaje Kaciaryna, — Abyšli voz niekalki razoŭ i ŭ vyniku ŭ dakumientach zapisali ci to numar ahłobli, ci to numar chamuta».
Kudy źnikli «Minskaja-1», «Minskaja-2», a taksama 3 i 5
Jašče nie tak daŭno na palicach kramaŭ možna było pabačyć minierałku «Minskaja-1», «Minskaja-2», a jašče 3, 4 i 5. Ciapier ža zastałasia tolki «Minskaja-4».
«Ludzi błytalisia, što značyć piaciorka, što značyć adzinka na etykietcy. Kab spraścić žyćcio pakupnikam, my pakinuli tolki kłasičnuju «Minskuju 4», a astatnija dla zručnaści nazvali «Lohkaj», «Pitnoj», «Niehazavanaj». I praviali rebrendynh», — raspaviadaje Kaciaryna.
«Lohkaja», naprykład, vypuskajecca z ružovaj etykietkaj. Jana dla tych, chto nie lubić, kali vada mocna salonaja. Takuju čaściej biaruć dziaŭčaty.
Liniejka «Minskaj-4» siońnia vyhladaje tak.
Za 40 hadoŭ isnavańnia brenda, viadoma, šmat što adbyvałasia. Źjaviłasia i źnikła z palic pitnaja vada sa smakam maliny i jabłyka, nie ŭpadabaŭ biełaruski pakupnik i minieralnuju niehazavanuju vadu.
«Zavod ciapier vypuskaje dastatkovuju kolkaść biezałkaholnych napojaŭ, kvasu, biarozaviku, ale 50% prodažaŭ — heta «Minskaja-4»», — kaža Kaciaryna.
Rabotniki zavoda sami taksama pjuć «Minskuju».
«Byvaje, viartaješsia z kamandziroŭki, zachodziš da dyrektara, a jon pytajecca: «Minierałki ŭžo papili? Jość siły pracavać?», — dadaje Kaciaryna Karaim.
U čym karyść minieralnaj vady
Rozny litraž adnoj i toj ža kłasičnaj «Minskaj» pitnoj vady.
«Minskaja-4» ličycca lačebna-stałovaj vadoj i rekamiendujecca da ŭžyvańnia ŭ jakaści stałovaha napoju. Vada stanoŭča i kompleksna ŭździejničaje na ŭvieś arhanizm. U jaje składzie ŭtrymlivajecca chłor, natryj, kalcyj, mahnij, kalij, vuhlekisłata.
Moža, tamu «Minskuju-4» časta prosiać na roznyja spartyŭnyja mierapryjemstvy, sustrečy, u dziciačyja i lačebnyja ŭstanovy.
«My z zadavalnieńniem dapamahajem šmatlikim arhanizacyjam, udzielničajem u akcyjach. My rady, što naš brend viedajuć i lubiać, niekatoryja navat kažuć, što naša vada lehiendarnaja», — kaža Kaciaryna.
Mienavita tamu novy słohan «Minskaj-4» hučyć nie inakš jak «Lehienda rodnaj vady».
Kaciaryna Karaim pakazvaje, što za ŭsiu 40-hadovuju historyju butelka «Minskaj-4» kardynalna mianiałasia ŭsiaho try razy.
«Za 40 hadoŭ naša vada źmianiłasia mała. Smak nie źmianiŭsia naohuł. Za hetym sočać našy łabaranty, jany kožny dzień praviarajuć chimičny skład vady. Upakoŭka mianiałasia ŭsiaho trojčy».
Pieršy słohan hučaŭ tak: «U žyćcia jarki smak». Miełasia na ŭvazie, što smak «Minskaj» možna ź lohkaściu adroźnić ad smaku inšaj minieralnaj vady. U minułym hodzie — «Inšaja hłybinia».
«Dla zdabyčy minieralnaj vady 390 mietraŭ — heta kruta. Tamu my i padkreślili toje, što my inšyja, my na inšaj hłybini. Ciapier my vyrašyli, što ŭžo majem prava nazyvacca lehiendarnaj vadoj. Chto nie pamiataje našych etykietak z vyjavami Minska? My i sami ŭžo haradskaja lehienda», — uśmichajecca Kaciaryna Karaim.
Pieršyja butelki «Minskaj-4».
ZAT «Minski zavod biezałkaholnych napojaŭ»
UNP 100262573
