Hitler bałatujecca na pasadu mera horada ŭ Pieru. Lenin aburyŭsia
YouTube-kanał LaVozInforma Ancash
U Pieru na pasadu mera horada Junhar bałatujecca kandydat pa imieni Hitler Alba Sančes. Heta vyklikała abureńnie z boku jaho suajčyńnika Lenina Uładzimira Radryhiesa Valvierde, paviedamlaje ria.ru sa spasyłkaj na Pieruanskaje radyjo RPP.
Radryhies Valvierde źviarnuŭsia ŭ vybarčyja orhany z patrabavańniem admović Hitleru ŭ rehistracyi na pasadu mera.
Palityk zajaviŭ, što nie viedaje pra isnavańnie hetaha čałavieka i ličyć, što Lenina Uładzimira Radryhiesa Valvierde vykarystoŭvajuć praciŭniki, prasoŭvajuć inšaha kandydata.
Hitler Alba Sančes pradstaŭlaje pravuju partyju «My — Pieru». U 2011-2014 hadach jon užo zajmaŭ pasadu mera Junhara ad centrysckaj partyi «Mahčymaści Pieru».
«Ja dobry Hitler», — skazaŭ Alba Sančes.
Kandydat pryznaŭsia, što raniej nieadnarazova sutykaŭsia z dyskryminacyjaj z-za svajho imieni i źbiraŭsia jaho pamianiać. Adnak paśla jon pieradumaŭ, kab nie pakryŭdzić baćku.
«Viadoma, moj tata nazvaŭ mianie tak, bo imia hučała ekzatyčna. Jon nie viedaŭ historyju Hitlera», - dadaŭ palityk
