Rasijskim prankieram Vavanu i Leksusu zabaranili ŭjezd va Ukrainu

Vavan, fota z asabistaj staronki Uładzimira Kuźniacova

Słužba biaśpieki Ukrainy na try hady zabaraniła ŭjezd u krainu rasijskim prankieram Uładzimiru Kuźniacovu i Alaksieju Stalarovu, viadomym pa mianuškam Vavan i Leksus.

«U lipieni pryniata rašeńnie ab zabaronie ŭjezdu va Ukrainu hramadzianinu RF Uładzimiru Kuźniacovu (viadomamu jak Uładzimir Krasnoŭ, prankier Vavan) 1986 hoda naradžeńnia, terminam na try hady», — havorycca ŭ apublikavanym adkazie SBU na zapyt ukrainskaha vydańnia «Fakty».

Taksama na try hady zabaronieny ŭjezd prankieru Alaksieju Stalarova, viadomamu pad psieŭdanimam Leksus.

Na sajcie «Faktaŭ» skazana, što ŭ zapycie vydańnia adznačałasia, što nazvanyja hramadzianie RF zajmajucca antyŭkrainskaj dziejnaściu i naviedvali Krym.

0

0

0

0

0

0