Biełaruskija pamiežniki hatovyja da napłyvu pałomnikaŭ, jakija žadajuć ubačyć u Litvie Papu Rymskaha
Biełaruskija pamiežniki hatovyja da napłyvu pałomnikaŭ, jakija žadajuć ubačyć Papu Rymskaha Franciška padčas jaho vizitu ŭ Litvu. Pra heta BiełTA paviedamiŭ aficyjny pradstaŭnik Dziaržaŭnaha pahraničnaha kamiteta Anton Byčkoŭski.
Vizit Papy Rymskaha ŭ krainy Bałtyi budzie praciahvacca z 22 pa 25 vieraśnia. U hety čas jon naviedaje Vilniu i Kaŭnas u Litvie, Ryhu i Ahłonu ŭ Łatvii i Talin u Estonii. U Litvu pantyfik pryjedzie na vychodnych, 22-23 vieraśnia.
Anton Byčkoŭski adznačyŭ, što pasažyrapatok na miažy ŭ subotu i niadzielu pavialičvajecca zaŭsiody. Jon moža jašče bolš uzraści ŭ suviazi z tym, što biełaruskija kataliki zachočuć uziać udzieł u mierapryjemstvach z Papam Rymskim u Vilni i Koŭnie.
«My da hetaha hatovyja. Pry nieabchodnaści kolkaść naradaŭ u punktach propusku budzie pavialičana. Što tyčycca hrup, jakija iduć aŭtobusami, to ich buduć afarmlać na asobnym kanale», — prainfarmavaŭ aficyjny pradstaŭnik DPK.
Na pačatak žniŭnia ŭ arhanizavanyja hrupy zapisalisia kala 1,5 tysiačy čałaviek.
