«Tarpieda» pryśviačaje matč z BATE hietmanu VKŁ Janu Karalu Chadkieviču: startuje dvaccać druhi tur čempijanatu Biełarusi pa futbole
Razam z Bukmiekierskaj kantoraj Marafon raskažam, što cikavaha moža adbycca ŭ dvaccać pieršym tury vyšejšaj lihi.
Usio mieniej i mieniej matčaŭ zastajecca da kanca čempijanatu krainy. BATE praciahvaje adryvacca ad kankurentaŭ. Adnak naśpiavaje samaja sapraŭdnaja siensacyja, kali «Viciebsk» usio ž akažacca ŭ miedalach. U hetym tury ŭ hości da «Viciebska» jedzie bresckaje «Dynama». Budzie sapraŭdny test na tryvałaść.
«Dniapro» — «Smalavičy»
- 21.09 / 19:00. Mahiloŭ, stadyjon «Spartak»
- Kaeficyjenty: «Dniapro» (pieramoha) — 2,45; ničyja — 3,05; «Smalavičy» (pieramoha) — 3,1
Viasioły maskot «Smalavičaŭ». Fota z vk.com.
Paśla pośpiechu «Pramienia» «Dniapro» znoŭ apuściŭsia ŭ zonu vyletu. Mahiloŭcy vielmi niakiepska hladzielisia ŭ hulni z BATE, ale, jak adznačyŭ nastaŭnik kamandy, usio ž aŭtarytet barysaŭcaŭ adbiŭsia i byŭ vyrašalnym. Ciapier čakaje hulnia z pramym kankurentam za vyžyvańnie.
«Smalavičy», jakija zusim niadaŭna ŭpeŭniena dychali ŭ siaredzinie tablicy, znoŭ blizkija da ryzykoŭnaj zony. I chaj ich trenier Alaksandr Brazievič kaža, što kamanda nie zasłuhoŭvaje paraz, ale punktaŭ u tablicy takija słovy nie dadajuć. Hulnia pavinna być žorstkaj i bieskampramisnaj.
Prahnoz «NN»: «Dniapro» nie sastupić.
«Isłač» — «Šachcior»
- 22.09 / 14:00. Stadyjon «Minsk»
- Kaeficyjenty: «Isłač» (pieramoha) — 7,8; ničyja — 5; «Šachcior» (pieramoha) — 1,36
Z «Isłačču» robiacca absalutna kiepskija rečy. Kamanda nie moža pieramahčy ŭ čempijanacie ad červienia. Piać zapar parazaŭ. Pryčym apošniaja aplavucha ad «Niomana» była duža adčuvalnaj — 0:6. Trenier anansuje kadravyja źmieny jak siarod hulcoŭ, hetak i siarod śpiecyjalistaŭ.
«Šachcior» pravioŭ cudoŭny matč z «Dynama». Sajt «Trybuna» žartavaŭ, što «Šachcior» zhulaŭ z «Dynama» jak «Zienit», ale Łapcieŭ zusim nie Dziuba. Zabić tak i nie atrymałasia. Abaronca Pavieł Rybak kaža, što «Šachcior» budzie zmahacca za załatyja miedali da toj pary, pakul mahčyma.
Prahnoz «NN»: pieramoha «Šachciora» z roźnicaj, bolšaj za hoł.
«Słuck» — «Minsk»
- 22.09 / 16:00. Słuck, haradski stadyjon
- Kaeficyjenty: «Słuck» (pieramoha) — 1,55; ničyja — 3,74; «Minsk» (pieramoha) — 6,6
«Minsk» biŭsia, ale «Viciebsk» pieramoh. Fota z vk.com.
Mabyć, hałoŭnaja zadača «Słucka» na reštu siezona — heta zachavańnie pieršaha miesca ŭ śpisie haleadoraŭ Jaŭhiena Šykaŭki. Na siońnia eks-krumkač maje ažno adzinaccać zabitych hałoŭ. U kankurentaŭ — Paŭła Savickaha i Kiryła Viarhiejčyka — pa dzieviać.
«Minsk» u cełym pravioŭ niakiepski matč suprać «Viciebska», tolki voś prajhraŭ. Ciažka skazać, čamu kamanda asłabła ŭ apošnich hulniach. Mahčyma, adbivajucca zatrymki ŭ zarobkach. Hulać, kali ŭ ciabie niama hrošaj, nie sama kamfortna ź psichałahičnaha hledzišča.
Prahnoz «NN»: pieramoha «Słucka».
«Viciebsk» — «Dynama» (Brest)
- 22.09 / 18:00. Viciebsk, CSK
- Kaeficyjenty: «Viciebsk» (pieramoha) — 2,0; ničyja — 3,44; «Dynama» (pieramoha) — 3,66
Ciapier pierachodzim da centralnaj hulni tura. «Viciebsk» u ahni. Kamanda nie dazvoliła siabie pieramahčy navat BATE. Anton Matviejenka staŭ novym lidaram kamandy, jakuju viadzie za saboj. Nastroj na hulniu budzie ašałamlalny. Hałoŭnaje, kab nie pierahareli.
«Dynama», jakomu razdavali stolki avansaŭ pierad pačatkam čempijanatu, maksimum zojmie piaty radok u tablicy. Mabyć, heta nie toje, čaho čakała kiraŭnictva. Ciapier u dobraj formie ŭkrainski forvard «Dynama» Chablenka, moža, jon adznačycca ŭ Viciebsku.
Prahnoz «NN»: Ryzykujem. Pieramoha «Viciebska».
«Tarpieda-BiełAZ» — «Homiel»
- 22.09 / 19:45. Žodzina, stadyjon «Tarpieda»
- Kaeficyjenty: «Tarpieda-BiełAZ» (pieramoha) — 2,27; ničyja — 3,05; «Homiel» — 3,38
«Homiel» u ahni. Fota newsgomel.by.
Jašče adzin nadzvyčaj cikavy matč. Dźvie kamandy znachodziacca ŭ siaredzinie tablicy. Žodzinskaje «Tarpieda» sastupiła ŭ dvuch matčach zapar. Zdajecca, u chłopcaŭ Aleha Kubarava isnuje niejki lohki zastoj. Dobraja hulnia z «Homielem» mahła b zavieści «aŭtazavodcaŭ».
«Homiel» na dadzieny momant — adna z samych cikavych kamand čempijanatu. Čatyry matčy jany nie sastupajuć nikomu, padnialisia ŭ mocnyja sieradniaki, chacia zusim niadaŭna bałansavali na miažy vyletu. I vidavočna, što hamielčukam chočacca praciahvać svaju sieryju.
Prahnoz «NN»: «Homiel» nie sastupić.
«Dynama» (Minsk) — «Pramień»
- 23.09 / 19:45. Minsk, stadyjon «Dynama»
- Kaeficyjenty: «Dynama» (pieramoha) — 1,32; ničyja — 4,85; «Pramień» — 9,9
Kali minskaje «Dynama» praciahnie hulać u takim ža duchu, to da miedaloŭ moža nie dabracca ŭvohule. Tolki hieraičnaja hulnia Andreja Harbunova dazvoliła minčukam pryvieźci punkt z Salihorska. Dziŭna, što haspadar «Dynama» pakul nijak nie reahuje na takuju situacyju i Hurenka ŭsio jašče trenier kamandy.
«Pramień» atrymaŭ supiervažnuju dla siabie pieramohu ŭ hulni z «Tarpieda». Heta dazvoliła, mahčyma, na čas, ale padniacca na vyratavalnaje 14-je miesca. U «Pramień» pierajšoŭ dobra viadomy hulnioj pa «Dynama» čarnahorac Łuka Rotkavič. Było b pryhoža, kab jon zabiŭ byłoj kamandzie.
Prahnoz «NN»: pieramoha «Dynama».
«Tarpieda» — BATE
- 24.09 / 17:00. Stadyjon «Traktar».
- Kaeficyjenty: «Tarpieda» (pieramoha) — 13,25; ničyja — 5,9; BATE (pieramoha) — 1,22
Tak «Tarpieda» zaprašaje na futboł.
Pryhažość! Minskaje «Tarpieda» pryśviačaje hulniu z BATE hietmanu VKŁ Janu Karalu Chadkieviču. Zdajecca, takoha jašče nie było nikoli. Zasmučaje tolki taki rańni pačatak hulni. Nu voś pasprabuj u budni dzień vyrvacca a 17 hadzinie na stadyjon.
Nastroj BATE budzie zaležać ad taho, jak kamanda vystupić u Vienhryi. Vielmi adkaznaja sustreča dla našaha čempijona. Zrešty, u lubym składzie barysaŭcy pavinny spakojna raźbiracca z «Tarpieda». Čorna-biełym zastacca ŭ vyšejšaj lizie dapamoža tolki cud.
Prahnoz «NN»: pieramoha BATE z roźnicaj bolšaj, čym u adzin hoł.
«Haradzieja» — «Nioman»
- 24.09 / 19:00. Stadyjon «Haradzieja»
- Kaeficyjenty: «Haradzieja» (pieramoha) — 2,7; ničyja — 3,1; «Nioman» — 2,7
«Haradzieja» svajo pieramožnaje šeście spyniła ŭ minułym tury, jana sustupiła «Homielu». Zdajecca, «cukrovyja» ŭsio ž upeŭniena zachavajuć miesca ŭ vyšejšaj lizie. Heta značyć, što naleta znoŭ možna budzie zajechać na słavutyja haradziejskija šašłyki.
«Nioman» pakul što pryciahvaje da siabie ŭvahu razborkami pra pierachod u bresckaje «Dynama» Paŭła Savickaha. Kamanda słaŭna paviesialiłasia ŭ matčy z «Isłačču». Mabyć, duša prahnie praciahu śviata i na haradziejskaj ziamli.
Prahnoz «NN»: totał mieniej za 2,5.
Pakul nie pachaładała, zavitaj na stadyjon! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!
