Zahipnatyzavaŭ? Dziŭny vypadak u minskim abmieńniku
Fota Iryny Arachoŭskaj
Kasir abmiennaha punkta MTBanka ŭ Minsku 17 vieraśnia pamyłkova nie ŭziała ŭ klijenta lišniuju tysiaču biełaruskich rubloŭ. Hetuju infarmacyju finance.tut.by paćvierdziŭ namieśnik načalnika ŭpraŭleńnia kasavych apieracyj banka.
— 17 vieraśnia ja pracavała ŭ abmiennym punkcie na vakzale. Źviarnuŭsia mužčyna z prośbaj pradać tysiaču dalaraŭ ZŠA. Daŭ 11 kupiur pa sto rubloŭ, kupiuru ŭ 50 rubloŭ i nazvaŭ sumu — 2150 rubloŭ. Jon tak i skazaŭ, ja pahladzieła videa potym. Niby ŭnušyŭ mnie hetuju sumu, — raspaviadaje kasir Volha.
Žančyna padała zajavu ŭ milicyju. Pa słovach žančyny, tam skazali, što nijakich ašukanskich dziejańniaŭ nie bačna.
Infarmacyju ab niastačy paćvierdziła namieśnica načalnika kiravańnia kasavych apieracyj MTBanka Taćciana Łazar.
— My prahladali na kamiery videanazirańnia i bačyli, što ŭ kabinu uvajšoŭ mužčyna siarednich hadoŭ, vyniaŭ hrošy i skazaŭ: «Chaču kupić tysiaču dalaraŭ». Kasir pieraličyła hrošy i čamuści vyrašyła, što tam sapraŭdy 2150 biełaruskich rubloŭ. Vakzał - heta napružanaje miesca, dzie prachodzić vielmi šmat narodu. Viadoma, da siami hadzin viečara jana ŭžo mocna stamiłasia i, napeŭna, tamu pamyliłasia, — raspaviadaje žančyna.
U banku prosiać mužčynu, jakomu vydali lišniuju sumu hrošaj, vyjści na suviaź.
