The Sun nazvała imiony špitalizavanych z restarana ŭ Sołśbiery
Brytanskaja hazieta The Sun paviedamlaje, što dvoje čałaviek, jakija ŭ minułuju niadzielu patrapili ŭ balnicu paśla taho, jak im stała drenna ŭ restaranie Prezzo ŭ Sołśbiery, byli 30-hadovaja Hanna Šapira i jaje 42-hadovy muž Aleks Kinh. Pra heta, jak paviedamlaje hazieta, raspaviała sama Šapira ŭ hutarcy z vydańniem.
Žančyna, jakaja, pa jaje słovach, padzarablaje madellu, raskryła padrabiaznaści viečara, kali adbyŭsia incydent. Jana paviedamiła, što naviedać dadzieny restaran im paraiła ŭładalnica doma, jaki jany z mužam arandavali niedaloka ad Sołśbiery. Jana pryznałasia, što prapanova haspadyni doma naviedać restaran Prezzo ŭ Sołcbiery [znachodzicca za 300 mietraŭ ad restarana Zizzi, dzie ŭ dzień svajho atručvańnia abiedali Siarhiej Skrypal i jaho dačka Julija] jaje paciešyła. «Spadziajusia, my nie atrucimsia», — uspaminaje surazmoŭnica svaju reakcyju na prapanovu.
«Pryjšoŭšy ŭ restaran, ja zamoviła fłarentyjskuju picu, a Aleks — sibas, harodninu i bulbu. Taksama ŭ nas było dźvie šklanki biełaha vina», — paviedamiła žančyna. Paźniej, pa jaje słovach, mužu stała drenna i jon pajšoŭ u prybiralniu. Pa zakančeńni 15 chvilin žančyna adpraviłasia za im i znajšła jaho na padłozie z «pienaj la rota». Uśled za hetym jana pačała klikać na dapamohu, a zatym joj stała drenna i samoj. Aboje byli špitalizavany ŭ rajonnuju balnicu Sołśbiery.
Žančyna taksama padzialiłasia svaimi mierkavańniami, što mahło pryvieści da takoha raźvićcia padziej. Jana ličyć, što jana, jak i Siarhiej i Julija Skrypali, była metaj napadu z boku Kramla.
Sa spasyłkaj na vysokapastaŭlenyja krynicy ŭ słužbach biaśpieki vydańnie piša, što para mahła być atručanaja strychninam. Žančyna paviedamiła, što jaje muža ŭviali ŭ štučnuju komu, z taho času jana jaho nie bačyła.
The Sun udakładniaje, što Šapira naradziłasia ŭ Nižnim Noŭharadzie, u 2006 hodzie, pa žadańni jaje siamji, stała hramadziankaj Izraila.
