Futbalist zaviaršyŭ karjeru prosta ŭ pierapynku matča
Fota z tvitara Vonty Devisa
Kornierbiek kłuba (razmova pra amierykanski futboł) Nacyjanalnaj futbolnaj lihi (NFŁ) «Bafała Biłs» amierykaniec Vonta Devis pakinuŭ stadyjon u pierapynku matču suprać «Łos-Andželes Čardžers», paśla čaho abviaściŭ pra zaviaršeńnie karjery.
Futbalist padčas pierapynku nakiravaŭsia ŭ raspranalniu, pieraapranuŭsia i pakinuŭ stadyjon. Adzin z adnakłubnikaŭ Devisa nazvaŭ jaho pavodziny «absalutna niepavažlivymi». «Biłs» sastupili ŭ hetaj sustrečy 6:28. Paźniej, sam hulec patłumačyŭ toje, što zdaryłasia, apublikavaŭšy post u Instagram.
Pavodle jaho słoŭ, za dziesiacihadovuju karjeru jon prajšoŭ praz čaradu traŭmaŭ i apieracyj, prymušajučy svajo cieła być hatovym da kožnaj hulni. «Kali ja vyjšaŭ u hety viečar na pole ja žorstka i chutka sutyknuŭsia z realnaściu: ja zrazumieŭ, mnie tut bolš nie miesca», - padkreśliŭ 30-hadovy spartsmien.