42 kiłamietry za dźvie hadziny: kienijec pastaviŭ novy suśvietny rekord u marafonie
Kienijski lohkaatlet Eliud Kipčohie pastaviŭ novy suśvietny rekord padčas Bierlinskaha marafona: jamu ŭdałosia prajści dystancyju za 2 hadziny 1 chvilinu i 39 siekund, piša bbc.com.
Da hetaha najlepšym vynikam - 02:02:57 - ličyŭsia čas, pakazanaje inšym kienijcam - Kimieta - u 2014 hodzie.
«Heta było ciažka, - pryznajecca Kipčohie. - Ja išoŭ za svajoj metaj, daviaraŭ svajoj prahramie padrychtoŭki i svajmu trenieru. Usio heta dapamahło mnie dadać na apošnich kiłamietrach».
Letaś Kipčohie pakazaŭ jašče lepšy vynik - 02:00:25, - adnak rekord nie byŭ zaličany z-za vykarystańnia śpiecyfičnych technałohij, rekamiendavanych dla aficyjnych spabornictvaŭ.
Usie try pryzavyja miescy na Bierlinskim marafonie zaniali kienijskija spartsmieny.
U spabornictvach siarod žančyn taksama pieramahła kienijka: vynik Hłejdys Čeroni - 02:18:11.
