Nielehały na biełaruska-polskaj miažy pakazali noŭtbuk zamiest pašparta

Bresckija pahraničniki z dapamohaj słužbovaha sabaki zatrymali za 800 mietraŭ ad biełaruska-polskaj miažy ŭ Pružanskim rajonie dvuch mužčyn — hramadzian Siryi i Jehipta. Zamiest pašparta jany pradjavili noŭtbuk, paviedamlaje Dziaržpahrankamitet.

Jany pryznalisia, što ŭ pošukach lepšaha žyćcia płanavali niezakonna trapić u Polšču. Pašpartoŭ u parušalnikaŭ nie akazałasia, byŭ tolki noŭtbuk, u jakim znachodziŭsia fajł z kopijaj staronak pašparta jehipcianina.

U dačynieńni da zatrymanych raspačaty administracyjny praces za parušeńnie pamiežnaha režymu, sprobu niezakonnaha pierasiačeńnia miažy i parušeńnie pravił znachodžańnia. Im pahražaje departacyja z zabaronaj ujezdu ŭ Biełaruś terminam da 5 hadoŭ.

0

0

0

0

0

0