Jeŭrapiejskija deputaty chočuć mižnarodnaj zabarony «robataŭ-zabojcaŭ»
Jeŭrapiejski parłamient zaklikaŭ da mižnarodnaj zabarony śmiarotnaj aŭtanomnaj zbroi, viadomaj jak «robaty-zabojcy», paviedamlaje Euobserver.
Zaklik, jaki nie praduhledžvaje nijakich jurydyčnych abaviazacielstvaŭ, pryniaty ŭ sieradu.
U im havorycca, što 28 krain-siabroŭ ES pavinny vypracavać ahulnuju pazicyju pa aŭtanomnaj zbroi da listapada i «havaryć na adpaviednych forumach adnym hołasam».
Mery Uerchiem, kaardynatar kampanii pa spynieńni robataŭ-zabojcaŭ, zajaviła, što Rasija, ZŠA, Paŭdniovaja Kareja, Izrail i Aŭstralija źjaŭlajucca asnoŭnymi krainami, jakija vystupajuć suprać abmierkavańnia zabarony.
Armii i vytvorcy zbroi pa ŭsim śviecie testujuć robataŭ-zabojcaŭ, jakija nieŭzabavie mohuć pierasiahnuć isnujučyja vajennyja technałohii ŭsiaho za nievialikuju častku ciapierašniaha koštu.
