U Hiermanii 3,6 tysiačy dziaciej stali achviarami seksualnaha hvałtu z boku śviataroŭ
Bolš za 3,6 tysiačy dziaciej, mnohija ź jakich va ŭzroście 13 hadoŭ ci mienš, stali achviarami seksualnaha hvałtu z boku katalickaha duchavienstva ŭ Hiermanii za apošnija siemdziesiat hadoŭ, napisali niamieckija vydańni Die Zeit i Der Spiegel, jakija aznajomiłasia z daśledavańniem, praviedzienym pa daručeńni Rymska-katalickaj carkvy, da jaho publikacyi.
Jak minimum 1670 katalickich rabotnikaŭ datyčnyja da incydentaŭ z 3677 dziaćmi. Adznačajecca, što daśledavańnie pravodziłasia na praciahu čatyroch hadoŭ tryma univiersitetami.
Samo daśledavańnie jašče nie apublikavana, adnak ŚMI paśpieli aznajomicca z kopijami dakładaŭ da publikacyi — jana zapłanavana na 25 vieraśnia.
Daśledavańnie achoplivaje pieryjad z 1946 hoda pa 2014 hod. U im vyvučajucca vypadki žorstkaha abychodžańnia ź dziećmi, kožny šosty vypadak źviazany z zhvałtavańniem, vyśvietlili aŭtary daśledavańnia. Pry hetym bolšaść achviar zhvałtavańnia — chłopčyki.
