Padazravanyja ŭ atručvańni Skrypaloŭ: My lotali ŭ Sołśbiery pahladzieć sabor — epičnaje VIDEA
flickr.com
Alaksandr Piatroŭ i Rusłan Bašyraŭ zajavili ŭ intervju hałoŭnamu redaktaru RT Marharycie Simańjan, što na fotazdymkach, jakija raspaŭsiudziła brytanskaja palicyja, sapraŭdy jany.
«My adlustravanyja na tych fotazdymkach», — skazaŭ Piatroŭ. Na zaŭvahu ab tym, što jany vyhladajuć davoli napružanymi, Bašyraŭ adkazaŭ pytańniem: «A jak by vy vyhladali?».
«Kali naša žyćcio voś tak voś raz i pierakulili z noh na hałavu. Prosta złamali», — dadaŭ jon.
Adkazvajučy na pytańnie ab tym, čamu metaj svajho vizitu mužčyny vybrali mienavita Sołśbiery, Piatroŭ skazaŭ, što naviedać hety «vydatny» horad im paraili siabry.
«Turystyčny horad, — dadaŭ Bašyraŭ. — Tam jość znakamity sabor. Jon znakamity ŭ Jeŭropie. Znakamity svaimi hadzińnikam, jaki da hetaha času pracuje».
Jany skazali, što pryjechali ŭ Sołśbiery jak turysty.
Pra toje, ci naviedvali dom Skrypaloŭ
A.P.: Moža, my da jaho i padychodzili, kali b my viedali dzie jon.
R.B.: Vy viedajecie, dzie dom Skrypala? Ja ŭvohule nie viedaju. Da voś hetaj situacyi, pakul nie pačaŭsia hety kašmar z nami, ja nie čuŭ hetaje proźvišča, ja nie viedaŭ ničoha pra ich.
Pra jad «Navičok» abo fłakon duchoŭ u bahažy
A.P.: Nie [nie vioz niebiaśpiečnyja rečyvy z saboj]. Mnie zdajecca, heta naohuł tryźnieńnie.
R.B.: Narmalnym mužykam z saboj vazić žanočyja duchi — heta nie pa-durnomu? Realna, kali prachodziš mytniu, praviarajuć usie rečy. Kali b u nas niešta było b, u ich paŭstali b tyja ž pytańni — navošta ŭ mužčyny ŭ bahažy lažać žanočyja duchi?!
Pra toje, čamu jeździać razam
R.B.: Davajcie my nie budziem leźci ŭ pryvatnaje žyćcio, u asabistaje žyćcio. My pryjšli siudy da vas pa abaronu. A ŭ nas atrymlivajecca niejki dopyt. My ŭ vas abarony prosim, my nie na dopycie.
Čamu vyrašyli vystupić u ŚMI
R.B.: Chočam paprasić abarony, dapamohi. Heta [zvarot Pucina vystupić u presie] było šturškom patelefanavać vam.
A.P.: Chutčej za ŭsio [u advarotnym vypadku], heta było b vykładziena ŭ sietku ŭ vyhladzie videazvarotu. My raniej nie sutykalisia nikoli sa ŚMI. I było b praściej vykazać ŭsio mienavita ŭ internecie.
Pra toje, ci pracujuć u HRU
R.B.: A vy pracujecie ŭ HRU? Ja nie.
A.P.: I ja nie.
Pra toje, dzie pracujuć i čym zajmajucca ŭ Rasii
A.P.: My pradprymalniki siaredniaj ruki. Prosta kali my zaraz raskažam pra naš biznes, to pacierpiać ludzi, ź jakimi my pracujem, a jašče my zvuzim koła dla pošuku vašych kaleh [žurnalistaŭ]. […] Kali ścisła — heta fitnies-industryja.
Ab častych pajezdkach u Jeŭropu i Šviejcaryju (pavodle brytanskaj raźviedki)
R.B.: Prylacieć u Ženievu — heta narmalna. Heta najbližejšy šlach dajechać da Manbłana. Pajechać u Francyju, naviedać Francyju — heta narmalna.
Pra anhlijskuju movu
A.P.: U mianie krychu lepiej z anhlijskaj — ja zaŭsiody Rusłanu dapamahaju. Tamu ŭsie mytni prachodzim razam.
Pra toje, što buduć rabić dalej
Kali jość takaja mahčymaść, prosta pakińcie nas u spakoi, kali łaska.