U sakaviku haspadynia nie puściła miadzielskich ratavalnikaŭ pravieryć pravodku. A ŭ vieraśni z-za karotkaha zamykańnia ŭ jaje zhareŭ chleŭ
Kala piaci ranicy 7 vieraśnia miadzielskim ratavalnikam paviedamili pra pažar u ahraharadku Kniahinin.
Kali śpiecyjalisty pryjechali, ubačyli, što adkrytym połymiem hareŭ chleŭ. Budynak byŭ cahlany, elektryfikavany.
U vyniku pažaru zhareŭ uvieś dach, całkam vyharali niekatoryja pamiaškańni ŭ chlavie. Pryčyna pažaru — karotkaje zamykańnie z-za niaspraŭnaści pravodki. Chleŭ naležaŭ 80-hadovaj piensijaniercy.
— Sioleta ŭ sakaviku našy śpiecyjalisty chadzili pa damach, praviarali stan pravodak, vykanańnie praviłaŭ pažarnaj biaśpieki. I mienavita na hetym dvary dźviery začynili litaralna «pierad nosam» u ratavalnikaŭ, — raskazała «Rehijanalnaj haziecie» inśpiektar hrupy prapahandy i ahitacyi Miadzielskaha HRANS Iryna Karapiecian. — Kali b našy śpiecyjalisty pravieryli pravodku ŭ chlavie, mahčyma, pažaru b nie adbyłosia.
