Dźmitryjeŭ ci Karatkievič? «Havary praŭdu» vyłučyć kandydata na prezidenckija vybary
Kiraŭnik kampanii «Havary praŭdu» Andrej Dźmitryjeŭ paviedamiŭ «Našaj Nivie», što ich arhanizacyja miarkuje vyłučyć kandydata na prezidenckija vybary — 2020.
Taćciana Karatkievič i Andrej Dźmitryjeŭ. Fota tut.by.
«Vyłučać budziem na źjeździe arhanizacyi», — kaža Dźmitryjeŭ. Kali adbudziecca taki źjezd, pakul nieviadoma.
Chto moža być vyłučany ad «Havary praŭdu»? «Heta najpierš Taćciana Karatkievič, jakaja maje svaju paznavalnaść i imia. Biezumoŭna, heta moža być maja kandydatura. Na siońniašni dzień — heta dźvie asnoŭnyja kandydatury. Kropku, praŭda, stavić jašče rana, bo da vybaraŭ dva hady», — kaža Andrej Dźmitryjeŭ.
«Ja ŭdziačny, što ŭ mianie byŭ dośvied kampanij 2010 i 2015 hoda. Bo ja lepš adčuvaju, čaho chočuć biełarusy i što treba rabić, kab jany ciabie pačuli», — raskazvaje kiraŭnik «Havary praŭdu».