U Minsku piensijanierku aštrafavali na 1225 rubloŭ, bo «hulała z płakatam»
72-hadovuju Ninu Bahinskuju zatrymali 10 vieraśnia ŭ centry Miensku ź plakatam «Biełaruś represavanaja». Sud Centralnaha rajonu stalicy aštrafavaŭ aktyvistku na 1225 rubloŭ (50 bazavych vieličyniaŭ), piša «Radyjo Svaboda».
Bahinskuju sudzili za paŭtornaje parušeńnie paradku arhanizacyi ci praviadzieńnia masavych mierapryjemstvaŭ (č. 3 art. 23.34 KaAP).
Nina Bahinskaja ź plakatam «Biełaruś represavanaja», archiŭnaje fota.
Bahinskaja skazała, što źbirałasia iści da budynku Kamitetu dziaržaŭnaj biaśpieki. Aktyvistka prajšła ad «nulavoha kilametru» da skryžavańnia praspektu Niezaležnaści i vulicy Enhielsa, dzie jaje i zatrymali. Bahinskaja kaža, što pratestavała suprać «represijaŭ» za Kurapackuju vartu, «hulała ź plakatam», vykarystoŭvajučy kanstytucyjnaje prava na pratest.
Pavodle aktyvistki, amapaŭcy «pryčapilisia» da svastyki na plakacie, maŭlaŭ, jana zabaronienaja ŭ Biełarusi.
Pavodle słoŭ Bahinskaj, paśla sudu plakat joj nie viarnuli. Aktyvistka kaža, što namaluje inšy i praciahnie pratestavać suprać restaracyi «Pojedim pojedim», nie zvažajučy na štrafy.
Dziažurny Centralnaha RAUS kazaŭ Svabodzie, što nia viedaje pra zatrymańnie Bahinskaj.
Zatrymańnie Niny Bahinskaj, 10 vieraśnia.
