Pamiž Amanam i Maldyvami — biełaruski pašpart staŭ 52 z 89 pa biaźvizavych mahčymaściach
Biełaruski pašpart zaniaŭ 52 miesca z 89 pa śpiektru mahčymaściaŭ u rejtynhu Global Passport Power Rank 2018.
U pryvatnaści, pašpart hramadzianina Biełarusi harantuje biaźvizavy dostup u 43 krainy. Jašče ŭ 38 krainach biełarusy mohuć atrymlivać vizu pa prybyćci, a dla pajezdak u 117 krain pavinny afarmlać vizu zahadzia.
Taksama 52 miesca ŭ rejtynhu zajmaje pašpart Amana.
Na 51 pazicyi znachodziacca Maldyvy, a na 53 pazicyi — Tajłand i Kazachstan.
Lepšyja, čym u Biełarusi, pazicyi va ŭsich našych susiedziaŭ. Polšča, Litva i Łatvija dzielać 6-7 miesca ŭ hłabalnym indeksie (119 «biaźvizavych» krain), ukrainski pašpart zajmaje 24 miesca (90 «biaźvizavych» krain), rasijski pašpart — na 36 miescy ŭ rejtynhu (79 «biaźvizavych» krain).
Pieršaje miesca ŭ rejtynhu, jak i ŭ minułym hodzie, zaniaŭ pašpart Sinhapura — jaho ŭładalniki mohuć padarožničać bieź viz u 127 krainach, i tolki ŭ 32 pavinny afarmlać vizu.