Ministr finansaŭ: Biełaruś admoviłasia ad prahramy z MVF
Pra heta ministr finansaŭ Maksim Jermałovič zajaviŭ u intervju ŭ prahramie «Tydzień» telekanała STB.
«My raspracoŭvali razam z ekśpiertami Mižnarodnaha valutnaha fondu prahramu strukturnych reformaŭ, jakaja b adpaviadała fiłasofii MVF, — zaŭvažyŭ ministr. — U pryncypie, pa klučavych momantach hetaj reformy ŭ nas pazicyi supali. My vyjšli na prahramu, ale my razyšlisia ŭ terminach jaje realizacyi. MVF nastojvaŭ na bolš ścisnutym pieryjadzie, kali hetyja reformy pavinny byli realizoŭvać. Kiraŭnik dziaržavy ŭkazaŭ nam, što heta budzie vysoki šok dla našaha nasielnictva, i hetaha rabić nielha».
«Tamu ad prahramy z MVF urad admoviŭsia, i ciapier pracuje ŭ ramkach prahramy sacyjalna-ekanamičnaha raźvićcia, jakaja ŭchvalena Usiebiełaruskim narodnym schodam», — dadaŭ Maksim Jermałovič.
