Ci možna zrabić proźviščam psieŭdanim
pxhere.com
Pra asablivaści svajoj pracy karespandentu ahienctva «Minsk-Naviny» raskazała hałoŭny śpiecyjalist adździeła ZAHS administracyi Partyzanskaha rajona Minska Iryna Žuraŭskaja.
Jana zajmajecca ŭ zahsie dźviuma važnymi pracedurami: pieramienaj prozvišča, imia, imia pa baćku i ŭniasieńniem vypraŭleńniaŭ u akty hramadzianskaha stanu, kali vyjaŭlajucca niedakładnaści i pamyłki.
— Bolš za ŭsio zajaŭ pra źmienu proźvišča, — adznačaje Iryna Žuraŭskaja. — Žančyny z takoj prośbaj stali čaściej prychodzić užo paśla zaklučeńnia šlubu. Paśla viasiella mnohija chočuć adrazu adpravicca ŭ padarožža za miažu, tamu pašpart mianiać nie śpiašajucca. Pra žadańnie admovicca ad dziavočaha proźvišča jany zajaŭlajuć paśla viartańnia na radzimu.
Niekatoryja chočuć viarnuć svajo proźvišča praz hady paśla skasavańnia šlubu. Byvajuć i niezvyčajnyja vypadki. Niejak źviarnułasia 70-hadovaja minčanka i patłumačyła: u svoj čas paabiacała baćku, jaki pamiraŭ, vykanać jaho apošniuju volu — viarnuć sabie rodavaje proźvišča. Ale zabyłasia. Niadaŭna joj pryśniŭsia baćka i zapatrabavaŭ, kab dačka strymała abiacańnie. I choć jana razumieje, kolki dakumientaŭ treba pieraaformić, ŭsio ž taki vyrašyła heta zrabić.
U Iryny Žuraŭskaj na razhladzie — zajavy dźviuch hramadzianak, jakija chočuć zamianić svaje proźviščy na tvorčyja psieŭdanimy. U takich vypadkach u jakaści paćviardžalnych dakumientaŭ pradstaŭlajucca apublikavanyja tvory. Jak praviła, u padobnych prośbach nie admaŭlajuć.
Byvaje, mianiajuć imia pa baćku — zvyčajna, u znak udziačnaści i pavahi da ajčyma.
Pamyłki i niedakładnaści zvyčajna vyjaŭlajucca ŭ dakumientach hramadzian, jakija naradzilisia ŭ pieršaj pałovie XX stahodździa, kali ŭzrovień piśmiennaści byŭ značna nižejšy.
— Na razhlad takich zajaŭ dajecca maksimum try miesiacy. Ja rablu zapyty i va ŭstanovy ZAHS, i ŭ archivy, — raspaviadaje Iryna Žuraŭskaja. — Tolki na padstavie ŭsich dakumientaŭ možna zrabić vysnovu, ci mieła miesca pamyłka. U majoj praktycy jość prykłady, kali ŭ pašparcie było zapisana imia Vala, a ŭ paśviedčańni ab šlubie — Valancina. Padobnyja niestykoŭki niaredka uspłyvajuć pry afarmleńni prava ŭstupleńnia ŭ spadčynu.
