Što my słuchali ŭ žniŭni: top-10 značnych albomaŭ miesiaca
Apošni miesiac leta paradavaŭ muzyčnymi navinkami. U našym tradycyjnym topie znajšłosia miesca jak lehiendam, tak i novym imionam, jakija vartyja vašaj uvahi.
Kovacs — Cheap Smell
Druhi albom hałandskaj śpiavački — heta apovied pra toje, jak pieratvaryć rasčaravańni i admovy ŭ historyju mižnarodnaha pośpiechu.
Cheap Smell — heta adzin z samych adkrytych i ščyrych soul-albomaŭ dziesiacihodździa. Tak kaža aficyjny pres-reliz, i padstavaŭ da niedavieru niama.
Oh Sees — Smote Reverser
Kalifarnijskija rokiery stabilna štohod vypuskajuć pa albomie. Źmianiajucca tolki nazvy hurta: Orinoka Crash Suite transfarmavałasia ŭ Oh Sees i raduje svaich «zastabiłaŭ» novaj płytkaj.
Interpol — Marauder
U sprobach zachavać svoj firmovy saŭnd važna nie zahnać siabie ŭ kut. Krytyki čakali ad šostaha alboma amierykancaŭ u tym liku i prykmietaŭ zaniapada hurta, ale praca Interpol — adnaznačna adzin z najlepšych albomaŭ hoda.
Jain — Souldier
Druhi albom adnoj z najbolš papularnych francuzskich śpiavačak. Pieśni Džejn — heta historyi z chepi-endam, jakija raspaviadajucca šykoŭnym vakałam u nie mienš šykoŭnym muzyčnym azdableńni.
Blood Orange — Negro Swan
Novaja praca Deva Chajnsa, adnaho z najbolš zapatrabavanych pradziusaraŭ, jaki pracavaŭ z Florence And The Machine, Arctic Monkeys, Blondie. Chiba heta niedastatkova dla taho, kab nacisnuć na płej i zacanić solnik amierykanca?
Alice In Chains — Rainier Fog
Novy albom niekali kultavaha hranž-hurta. Treciaja sproba ŭ novaj historyi Alice In Chains viarnuć dzievianostyja z žyvymi Kabejnam dy Stejli. Ale ci varta siabie ŭ čarhovy raz padmanvać?
Ólafur Arnalds — re:member
Čaćviorty albom isłandskaha kampazitara — heta toje, što ŭžo siońnia možna nazvać sučasnaj kłasičnaj muzykaj. Aŭtar nie curajecca elektronnych prymočak i stvaraje muzyku, pad jakuju kłasna maryć.
Drezden — Drezden
Što tut možna skazać? Siarhiej Michałok praciahvaje ekśpierymienty: nastupnym krokam ad čuvačkoŭ z hantelami stała samakapańnie pad miełodyi i rytmy sučasnaj estrady. Elemienty refleksii prakloŭvalisia praz usiu apošniuju tvorčaść Lapisaŭ i vylilisia ŭ asobny sajd-kalektyŭ kultavaha biełaruskaha muzyki.
The Kooks — Let's Go Sunshine
Brytancy z The Kooks u apošni dzień leta vypuścili svoj piaty studyjnik. 15 trekaŭ ujaŭlajuć saboj partret sučasnaha haradskoha brytanskaha žyćcia.
Eminem — Kamikaze
Bieź nijakich anonsaŭ, sinhłaŭ i proma… Niečakana Eminiem zrabiŭ reliz svajho čarhovaha alboma.
Kamikaze — heta reakcyja na krytyku jaho papiaredniaj pracy. Revival akazaŭsia pravalnym. Reakcyja kaleh i krytykaŭ razzłavała Maršała Metersa i spravakavała źjaŭleńnie najlepšaha alboma repiera za apošni čas.
A što vy słuchali ŭ žniŭni?
