U centry Minska źjaviŭsia vialiki biłbord ź Niaklajevym FOTAFAKT
Rekłamnyja siciboksy z Uładzimiram Niaklajevym i Jurasiom Žyhamontam źjavilisia kala stancyi mietro Płošča Pieramohi ŭ Minsku.
Inicyjataram kampanii stała krama Symbal.by. Usio lehalna i ŭzhodniena, z usimi dakumientami. Adno što kala fota Niaklajeva pieršapačatkova było paznačana: «Uładzimir Niaklajeŭ, biełaruski piśmieńnik i hramadski dziejač». Adnak rekłamnaja ahiencyja, ź jakoj supracoŭničaje Symbal.by, hetaha podpisu dazvoliła pakinuć tolki «Uładzimir Niaklajeŭ, biełaruski piśmieńnik», kab «nie razdražniać administracyju horada». Z remarkaj: «Ale ž vy razumiejecie, chto taki Niaklajeŭ, i kali nieŭzabavie skažuć źniać płakat, to daviadziecca jaho prybirać».
Najbližejšymi dniami praz darohu, kala toj ža stancyi, majuć źjavicca anałahičnyja baniery ź Lavonam Volskim i Mielicinaj Staniutaj.