Minčuk arhanizavaŭ u haražy narkałabaratoryju
Minčuk arhanizavaŭ u haražy narkałabaratoryju, dzie vyroščvaŭ kanopli, rychtavaŭ i fasavaŭ atrymany tavar, paviedamili BiełTA ŭ HUUS Minharvykankama.
«U supracoŭnikaŭ adździaleńnia pa narkakantroli i supraćdziejańni handlu ludźmi Partyzanskaha RUUS Minska miełasia apieratyŭnaja infarmacyja ab tym, što niepracujučy žychar stalicy datyčny da zbytu narkatyčnych srodkaŭ na ŭsioj terytoryi horada, — raspaviała aficyjny pradstaŭnik RUUS Lilijana Žylankova. Pavodle jaje słovaŭ, 34-hadovy mužčyna arhanizavaŭ łabaratoryju, dzie vyroščvaŭ kanopli i rychtavaŭ da prodažu.
Apieratyŭniki znajšli ŭ haražy ŭ mužčyny palimierny miašok ź ziamloj z kustom kanoplaŭ, try lampy napalvańnia, 7 vientylataraŭ, tajmier času i kala 790 h vysušanaj marychuany, 5 h hašyšu, a taksama 4 marki.
Raspačataja kryminalnaja sprava, mužčynu pahražaje pazbaŭleńnie voli na termin ad piaci da vaśmi hadoŭ z kanfiskacyjaj.
