Marzaluk: Asobnyja działki vykarystoŭvajuć hieorhijeŭskuju stužku ŭ palityčnych metach, ale davajcie dumać pra vieteranaŭ
U internecie praciahvajecca zbor podpisaŭ za zabaronu na vykarystańnie ŭ Biełarusi hieorhijeŭskaj stužki. Na dadzieny momant na sajcie petitions.by sabrana 589 podpisaŭ.
Arhanizatary akcyi miarkujuć, što «u suviazi z padziejami va Ukrainie hieorhijeŭskaja stužka stała simvałam biezzakońnia, chaosu, niestabilnaści, a jaje aktyŭnaje vykarystańnie ŭjaŭlaje niebiaśpieku dla terytaryjalnaj cełasnaści Respubliki Biełaruś».
Arhanizatary akcyi źviarnulisia z svajoj prapanovaj da deputata Pałaty pradstaŭnikoŭ, historyka Ihara Marzaluka. Voś jaki adkaz jany atrymali:
«Uviadzieńnie zabarony na vykarystańnie hieorhijeŭskaj stužki niedarečna z punktu hledžańnia, što takaja zabarona budzie vyhladać jak plavok u tvar niešmatlikich udzielnikaŭ vajny z fašystami, jakija jašče žyvyja siońnia. I toj fakt, što hieorhijeŭskaja stužka vykarystoŭvajecca siońnia peŭnymi działkami ŭ palityčnych metach nie źmienić u cełym pazityŭnych adnosinaŭ da jaje, jak da adnaho ź simvałaŭ Pieramohi. Jak u svoj čas nie źmianiŭ takoha staŭleńnia fakt vykarystańnia stužki ŭ jakaści ŭznaharody ŭ častkach ułasaŭskaj ROA», — havorycca ŭ adkazie Marzaluka.
