Ułady «DNR» sabrali dziasiatki tysiač ludziej na pachavańnie Zacharčanki FOTA
Na pachavańnie kiraŭnika «DNR» Alaksandra Zacharčanki ŭ Daniecku, zabitaha ŭ piatnicu, pryjšło 120 tysiač čałaviek. Pra heta paviedamlajuć rasijskija ŚMI sa spasyłkaj na administracyju samaabvieščanaj respubliki.
Kiraŭnik Kryma Siarhiej Aksionaŭ, prezident niepryznanaj Paŭdniovaj Asiecii Anatolij Bibiłaŭ, Dzianis Pušylin nakiroŭvajucca da kafe «Siepar», dzie ŭ piatnicu byŭ zabity Alaksandr Zacharčanka.
Deputat Dziarždumy Andrej Kazienka z delehacyjaj z RF paśla raźvitańnia la truny Zacharčanki idzie da kafe «Siepar».
Delehacyja z ŁNR, a taksama Alaksandr Załdastanaŭ.
Pryjšoŭ na cyrymoniju raźvitańnia i «ministr» dachodaŭ i zboraŭ Alaksandr Cimafiejeŭ, ciažka paranieny padčas zamachu na Zacharčanku.
Sierbski snajpier Dejan Bieryč (Deki) pryjechaŭ raźvitacca z kiraŭnikom «DNR». Jon staić u ahulnaj čarzie, trymajučy ŭ rukach vianok «Ad bratniaha sierbskaha naroda».
