Stała viadoma, ad čaho pamior Kabzon
Pryčynaj śmierci estradnaha śpievaka Iosifa Kabzona stała čaćviortaja stadyja raka. Pra heta ŭ čaćvier, 30 žniŭnia, RIA Novosti raspavioŭ były dyrektar Nacyjanalnaha miedycynskaha daśledčaha centra ankałohii imia Błachina Michaił Davydaŭ.
Pavodle jaho słoŭ, narodny artyst SSSR 15 hadoŭ lačyŭsia ad ankałahičnaha zachvorvańnia i pamior ad «prahresavańnia chvaroby».
«Prahresavańnie chvaroby, na jakuju jon chvareŭ 15 hadoŭ. U jaho ankałahičnaje zachvorvańnie, jakoje pačało prahresavać. Heta była čaćviortaja stadyja. Trahiedyja kałasalnaja dla nas dla ŭsich», — zajaviŭ Davydaŭ.
Lekar adznačyŭ, što artystu zrabili apieracyju ŭ Hiermanii, a paśla hetaha jon viarnuŭsia ŭ Rasiju i praciahnuŭ lačeńnie. Niekalki hadoŭ jon prachodziŭ chimijaterapiju. «Jana pracavała, chvaroba adychodziła, jon jeździŭ na hastroli», — raspavioŭ doktar.
